< Zurück zur Übersicht
(Seite 1 von 1)

dwohrheit

sadlife
Geburtsjahr
2002
Geschlecht
weiblich
Tätigkeit
-

mini mom kifft und nimmt droge, beschuldigt mii mit allem, schloht mii und beleidigt mii! sii macht mii kaputt und jede tag denki afach drübo no wiis isch tod sii und kei problem meh zha... ii mag afach nimm! ii han angst, angst vor de zuekunft, angst öbis zändere... afach soo angst😭

Antworten

Antworten sortieren

Antwort

mikey
Geburtsjahr
1994
Geschlecht
männlich
Tätigkeit
Verkaufsberater

Hey du!

Jede Mensch isch einzigartig! Ich weiss es schint jetzt ganz schlimm zsi...

Wichtig isch, du bisch nöd schuldig a allem. du hesch no so viel vor! bitte glaub mir!

Kommentare

Kommentar
sadlife |
Geburtsjahr
2002
Geschlecht
weiblich
Tätigkeit
-

❤️❤️

Antwort

hungrysoul
Geburtsjahr
1999
Geschlecht
weiblich
Tätigkeit
-

ich weiss es git schlimmi ziite, aber du chasch das durestah. glaub mer wenni der seg es chömed wieder gueti ziite! ich hans au scho oft bezwiiflet und nüme dra glaubt, aber a dem glaube muesch dich festhalte und er wird belohnt werde! mach öppis was der chli kraft git, öppis nume für dich wo dir guet tuet. abefahre, gedanke sammle, schnuufe, in himmel luege... es git no so viel schöni sache und grossartigi mensche uf dere welt wo druf wartet dich kenne z lerne und vo dir entdeckt z werde. sammle die kraft und hoffnig ii dim herz und bis muetig öppis z verändere, wo dis lebe chan zum positivere wende! ich bin mer sicher du bisch en wundervolle mensch und au du wirsch din weg mache und din platz i dere welt finde. du bisch wichtig und ich denk a dich! ich glaub a dich!

Kommentare

Kommentar
sadlife |
Geburtsjahr
2002
Geschlecht
weiblich
Tätigkeit
-

danke!!! ich bin scho lang dra mii abzlenke.... siit 2wuche bini no selte dehei und loh mii ablenke vo kollege... abo mengmol klappts nid und alles chund wiedo hoch😔

Antwort

Lili
Geburtsjahr
1993
Geschlecht
weiblich
Tätigkeit
Sozpäd i.A.

Hei du, lüt doch mol bim 147 aa, die chönned dir velicht no besser hälfe als mir do. Mir chönned dich tröste und ermuetige, aber die chönned dir würklich hälfe bzw. sie wüssed am Beste wo du die Hilf bechunnsch, wo du bruchsch!

Kommentare

Kommentar
sadlife |
Geburtsjahr
2002
Geschlecht
weiblich
Tätigkeit
-

danke machi

Antwort

Anonym
Geburtsjahr
None
Geschlecht
None
Tätigkeit
-

LieBI SADLIFE

scho tatsach, dass du so offe öber das chasch rede esch en tolli sach. hesch öpper i dim omfeld, wo dini läbenssituation kennt und du chasch vertraue? velech esch mol en usziit för de ond för dis mammi en erste schrett

Antwort

Aura
Geburtsjahr
1997
Geschlecht
weiblich
Tätigkeit
Designerin

Wo ig öpe ih dim Alter bi gsi ischs mer ähnlech gange, nur dases de vater isch gsi und er ussert Gras keni Droge het gno. Mir isches richtig dräckig gange denn und ig ha ke freud me ka am Läbe weu ig mi ha gfühlt aus hätti kes Daheime, emu nid eis wie die andere Jugendleche. Es isch für mi so unerträglech gsi, dasi sogar eh Seubstmordversuech ha ungerno, was zu mim grosse Glück nid funktioniert het. Hüt bini so unendlech froh, dasi no läbe u de ganz scheiss ha ertrage.. Ize wohni nüm daheime, ha mis eigete läbe u zum Vater hani sogar nach de Umständ entsprechend eh gueti Beziehig ufbout (Obwohl ig ihm nie wirde chönne verzeihe). Drum us eigene Erfahrige segi dir, blib starch, haut düre und konzentrier di druf was DU ih DIM Läbe wosch erreiche, wie du mau wosch läbe, wie z läbe usgseht we du nüme vo dire mom abhängig bisch und seuber chasch bestimme. Du wirsch z läbe no tuusig mau me aus anderi chönne gniesse, wo ihre stabile Familie si ufgwachse, weu du weisch wies isch, we nid aues ih Ordnig isch. Lueg geg füre u blib Starch! Ih wünsche der z Bestä und viu Chraft für d Zuekunft und ig weiss du schaffsch das! ❤️