Hallo Larissa

Was du hier beschreibst, tönt für mich wirklich nach ernst zu nehmenden psychischen Problemen. Vor allem, dass du scheinbar mit dem Kontakt zu anderen Menschen überfordert bist und extrem stark auf Stress reagierst, bereitet mir etwas Sorgen. Ich frage mich, wie es dazu kommt, dass du unter so starken Symptomen leidest. Weisst du das? Hast du im Moment sehr viel Stress? Du bist ja 18 Jahre alt, kann es sein, dass du gerade LAP hattest oder im nächsten Sommer hast und dich das unter Druck setzt?

Du scrheibst, dass du bereits zu einer Psychologin, also einer Fachperson gehst. Demzufolge nehmen dich deine Eltern ja schon ernst, aber ich kann verstehen, dass es sich für dich so anfühlt, als ob sie dich nicht verstehen. Wie ist denn deine Beziehung zu ihnen? Und der Psychologin, kannst du ihr vertrauen und dich ihr wirklich auch anvertrauen? Ich fände es ganz wichtig, dass du ihr sagst, dass du dich am liebsten selber verletzen möchtest und nicht mehr kämpfen magst.

Wenn die Therapie bei ihr dir ambulant (also von Zuhause aus) nicht wirklich helfen konnte, dann hast du eigentlich nur zwei Möglichkeiten: Entweder du wechselst zu einem Psychiater und lässt dir zusätzlich zur Therapie Medikamente verschreiben oder du nimmst allen deinen Mut zusammen und machst eine stationäre Therapie in einer psychiatrischen Klinik, vorzugsweise auf einer Station für junge Erwachsene. In einer Klinik könntest du gerade den Umgang mit Menschen üben und dabei zeitgleich auch wie du mit dem dadurch ausgelösten Stress umgehen kannst. Du lernst dort bestimmt auch Techniken zur Entspannung.

Wenn ein Wechsel oder einer Klinik dein Wunsch ist, dann besprich dich am Besten mit deinen Eltern und deiner Psychologin, je nach dem brauchst du auch eine Überweisung vom Hausarzt. Da du aber volljährig bist, können dir deine Eltern hier nicht mehr reinreden. Du kannst diesen Entschluss alleine treffen. Falls du noch in der Lehre bist, vergiss nicht deine Chefin und die Schule mit ins Boot zu holen, falls ein Klinikaufenthalt bevorstehen sollte. Ansonsten wärst du für die Zeit deines Aufenthalts einfach krankgeschrieben und kannst quasi chillen (nebst der harten Arbeit mit der Therapie).

hi liabs

i denk es wär villicht gschid wenn du e anderi therapeutin suechsch, will es schiint mr eso, dass mit dinere jetzige ned gross en droht hesch.

du bisch jo no ide usbildig, gell? ier hen sicher ide schual so schualpsychologe? könntsch villicht au mol zu iere und sie froge was sie meint fu wege in e klinik goh während de usbildig.

wenn froge hesch zur klinik oder sus eppis kasch di gern melde, ha selber erfahrig demit.

wünsch dir alles guati :)

hei liabs

los i han au recht viel scheisse durigmacht und denka dur das dini situation zverstoh. de punkt woni us eigener erfahrig gsetzt han isch dass je länger de prozess vur depression aduret desto wohler fühltma sich döt dinna, es kunt sowit dassmer sich so wohl fühlt dassmer nuno in sinem klina loch sitza will ganz allei voller selsthass und selbstmitleid mah fühlt sich wohl und ma wills nüma losloh. drus ussazkoh schafftma nu allei au ohni klinikufenthalt will es ziel vor auga zha und de willa zha druss ussazkoh sin kopf positiv zverändara isch zeinziga wos beucht aber klar es brucht sehr viel kraft und es wird rückschläg verursacha. ah methaphara für di... du hesch zwei wölf in diar dinna de einti wird dur positivi gedanka usn ussaga gfüahteret und de ander dur negativi gedanka und üsseriga... wenn du all dia zit nu negativi nahrig gisch wird zpositiva amana ehlenda tod sterba und das isch reini logik wenn du afangsch wieder positivi gedanka ha uf en negativa gedanka folgend kriagt zpositiva tiar au wieder kraft und irgendwenn wirds gwünna!! i hoffa i handr demit eswia helfa könna und wünschdr nu zbescht für din weg! hoffa chusch durs ussa und blibsch stark udn wirsch stärker will zleba isch es reins lerna und stohbliba isch scheisse...

Hoi Larissa 😊 Ich bin i dim alter also au 18ni. Ich chan dich guet verstah und würd die gern helfe :)

Heyho.

Also 1. Du bisch ned alei. Demit meini, ganz vell Mensche verstönd dich uf dere Welt, ide Schwiiz, i dim Kanton und wahrschinlich i dinere Gmeind. Und das sell dir bewusst sii. Du gsehsch sie ned oft, wil es de meiste genauso schwer esch under mensche zgah, wie der.

2. E Therapeutin esch nüt wo unbedingt für immer muess bliebe. Lös di los vo ihre und find e neui. Eini wo dich ned verstaht, cha der ned helfe und denn eschs e Zitverschwendig. Mer esch ufde Triage vor 3 Jahr das gseit wurde: "Sie selled so lang sueche, bis sie epper gfunde hend, wo passt und ja ned bi epperem stahbliebe wo ned passt." Das hani ihghalte. Das het sich enorm glohnt. MACH ES!

3. S wichtigste. Depression esch kei chrankheit, au wenn das s Weste der vorgauklet. Es esch dini Seel wo nach Gseh werde, Erkennig, Anerkennig, Liebi, Änderig schreit und sich uf jede mögliche Art meldet...sogar körperlich. Los uf dich...ich han au e Phase gha woni denkt han "Wie?! Ich gspür mich gar ned!" Gibs ned uf...wüsse, dass du d einzig bisch wo i dim Lebe WÜRKLICH wichtig esch. Los der zue, au wenn grad NÜT chunnt. Dini Seel, dini wahri Bedürfniss etc werded sich mit Liebi melde, wenn du dich mit liebi a sie wendisch. Es mag schwer sii. Aber das alles lohnt sich. Wenn dis Umfeld dich ned ernst nimmt und ned verstaht...well...dasch epis woni bis hüt erlebe muess..ha Wuetusbrüch wils mich so frustriert. Ha hüt au epis broche, woni na gern ganz hätt. Aber immerhin eschs ned i mir bliebe. Depression sind au vell ahgstauti Wuet, Ängst, Truur. Lahs use imne Safe Place. Imne physikalische Safe Place. I dim Zimmer, im Wald...egal wo. Laaaahs use. Schrei, weine, schlahn in epis weichs wo dich ned verletzt, trampe. Lahn d ahgstauti Energie use wo dich so abezieht. Und für alles weitere: frög mich ah. LG Du bisch guet. Du bisch gnueg. Du bisch starch. Du bisch gliebt. Du bisch ghört. Du bisch verstande.