Hallo zäme

Ich bi 30gi, erst vor churzem uszoge, aber immerhin... ich beziehe Sozialhilf, bin ufde Jobsuechi.

Für e sehr langi Ziit bin ich inere no-name-Depression dinne gsi, ohni zeüsse, a was das ligge chönnt. Bzw. mer hend immer wieder die Vermuetige, aber die Puzzleteili chömmer iwie ned zämme tue..1+1 zämezelle esch mengisch schwieriger als 277363...Die Beziehig mit de Muetter. Sooo wichtig im Lebe vomne Mah. (Und anderstume natürlich im Lebe vonere Frau mitm Vater). Mini Muetter esch sehr nett, het vell Liebi im Herze, tuet vell für eim, choched, macht alles ums huus, unterstützt finanziell wenn nötig etc. Und doch hani e sehr starchi Bindigstrauma erfahre ide Jahre: Ich weiss ned vell exakti Bispiel, aber generell esch sie emotional zue, oder deffensiv. Ich ha oft versuecht, ihre mini Problem zverzelle, über Gfühl zrede und au wenn's mer ned ufgfalle esch, het sie mich zrugggwise, mis Problem abgwertet oder mini Wort entwertet, idem sie dezwüsched gredt het, ohni mich uszspreche zlah, mini Usdrucksforme eifach immer fast ohni Fehler unterdrückt, so dass Sache, woni zsege gha hätt schlussendlich immer entweder implodiert oder explodiert sind i mir. Im Verlauf vode Jahre het das i ufstagnierte Frustration, Verzwieflig, probleme i zw.menschliche Beziehige, Selbstbewusstsiiproblem und bis zu Persönlichkeitsstörige gendet. Ide letschte Jahre bini immer empfindilcher uf das Phänomen dasi epis sege möcht und es stirbt i mir ab. Nun als ich schön retraumatisiert vomne Beziehigsversuech mit minere Ex-Beste-Fründin (long story) zu ihre gange bin, het sie mich wieder voll emotional im stich glah, obwohl ich am Bode gsi bin und das het mich re-retraumatisiert det...bi vollkomme usenandgheit, ha gschroue i minere frust, was i minere Schlüsselabgabepflicht vom Elterehuus resultiert het...also nomal esch mer d einzig mer übrigbliebene Frust-Usdrucksform gnoh wurde, entwertet, usw...dasch e 30jahre langi Story mit vell Stagnation.

Das Problem esch, ich bi ahschienend überhaupt nani abkopplet devo, wie mini Muetter zu mir staht...es schiint emotional für mich überlebenswichtig, das sie mich mit mine Gfühl ahnimmt, da ich d emotionali Sicherheit under ihrem Dach nie glernt han und jetzt weiss ich ned, wo ich das here bechum so vo 0, total verwirrt, verzwiiflet, ohni Bispiel etc. Ich ghör gnueg floskel "du muesch der das selber geh", aber...es esch wie wenn du ere Chatz seisch sie sell belle. Sie hets ja nie glernt. Het gar kei Ressource. Ich gseh, das das mit minere Muetter ned gah wird ide nöche Zuekunft, wil das zbespreche endet genauso immer ohni Usnahm im gliche Schema...ich fang ah, sie redet witer mit mir zäme, ohni mini wort überhaupt zghöre, chum ned zum wort, fühl mi erwürgt, ich wot schreie, ich bi s arschloch, volle frust, verzwieflig, kei weg gseh etc. Aber ich fühl mi glich abhängig vo ihrere Bestätigung, Liebi, Ahnahm, und dere Handlig, das sie mich EINISCH AHLOST, ICH DEF WEINE / ANDERI USDRUCKSFORME OHNI MICH UNSICHER ZFÜHLE UND SIE UMARMT MICH MIT FCKN LIEBI! Also...wer kennt was ähnlichs, und wie zur Höll trennt mer sich da devo gsund ab?! Danke und e schöni Wuche!✌🏽