Hallo Mirko

Nur well du ADHS hesch, heisst das doch nöd, dass du kei Fründin finde wirdsch.

Und nur well du ADHS hesch, heisst das ja au nöd, dass du unsympathisch bisch.

Ich wür eifach nöd z'vill uf die andere lose. Au wenn das eifacher gseit als gmacht isch.

wegem vergessa suach öpis woder hilft schriebders ufda notiza im handy i odr machdr en zettel wod immer indr hosatöscha hesch wos immer itreisch und glaubmer ah fründin wirsch au mit adhs kriaga

Ja voll, schrib dr d Sache uf ds Handy. Das verlegsch bestimmt nid emol du. Und es git au sehr praktischi Erinnerigsfunktione.

Es isch natürlich wichtig, dass du ir Lehr an so Sache chasch dänke. Au wenn dus nid extra vergissisch, je nach dem het din Lehrmeister echt Ärger deswäge. Aber zum Glück gits jo do ebe gueti Tricks und es paar Tipps hesch jo au scho becho.

Wennd würkli es grosses Probem hesch dich zorganisiere, chönnts velicht au es ADHS Coaching bringe, dört lernsch halt au so Tricks und tusch sie grad üebe. Die sind uf gueti idee und ADHS-tauglichi Lösigsvorschläg spezialisiert.

Eigentlich findi, dass ADHSler generell enter sympathischi Lüt sind. Es mag Usnahme gä, aber mir sind no käini begägnet. ich dänk also, dass du durchus rächt hesch drmit, dass du sympathisch bisch und es isch super, dass du dich sälber magsch.

Mach dr käi Sorge wäg dr Fründin, irgendwo lauft scho die richtigi Frau für dich ume. Aber das heisst natürlich nid, dass dus eifach söllsch chille, wär scho guet wenn du chli an dir würdsch schaffe und dir Müeh gisch dini Schwächene in Griff zbecho. Aber das gilt für jede Mensch und het mit dim ADHS nur wenig ztue.

Ich han selber adhs und das isch kein grund ned inere bezihig z si aber mäld di mal