Hallo , ha grad din bitrag glese ... bin vom charakter her genau eso .. und au i behandlig aber wege mobbing am arbeitsplatz . Bin au zimlich sensibel und wirde schnell agressiv . Am beste nimmsch der zit für dich und machsch sache wo dich glücklich möched .. han au grad im moment zkämpfe mit all dem und chan au schlecht mit öper anderem drüber rede geschweige alles verzähle .. au ide familie hani amigs gfühl ich bin fehl am platz will ich halt alles mit andere auge gsehn als die alli ... wenn mal rede möchtisch chasch mer gern schriebe ❤️

Ich finds interessant, was du da schriibsch. Teilwiis gsehni mi selber darin: Unsicherheit und sich selber arrogant vorcho wenn mer sich selbstbewusst zeigt oder uftritt...Min Gedanke dezue us de eigete Erfahrig: Als ich "selbstbewusster wurde bin", binis ned würkli wurde...ich ha Velles glernt z'unterdrücke, ha glernt mich ebe so und so z'zeige und es het sich würkli guet ahgfühlt..aber epis het ned gstumme. Epis esch fake überecho. Ich frag mich us mim eigete Bispiel usgehend, öb du vlt würklich Selbstbewusstsii entwicklet hesch, oder e "selbstbewussti" Fassade. Bisch du im Friede mit dir? Bisch du im Friede mit anderne, wo aber ned uf dinere Angst oder ebe dinere Macht berueht, sondern uf Seelefriede? Mer entwickled oft unbewusst Kompensatione zu eusne Schwächene und es gseht us, als wärs das wo mer gsuecht hend, aber da mir das RICHTIGE gar ned kenneglernt hend, hemmer kei Unterschied vor eus zwüsche würkliche Selbstbewusstsii und dere Kompensation. Zumindest ned, bis mer eus mit dere Frag konfrontiered und usenandsetzed. Ich seg eifach, sit ich zu mer selber ganz ehrlich und au authentisch wurde bin, esch alles vell vell eifacher und selbstsicherer, wil wenn ich d Wahrheit über mich weiss, wer cha mich scho vom Gegeteil überzüge?! :) Denn bisch im Friede und ned im Kampf.