< Zurück zur Übersicht
(Seite 1 von 1)

Bitte hälfet mier..

Elisaa79
Geburtsjahr
1995
Geschlecht
weiblich
Tätigkeit
-

Ich ha sitt 3 jahr panikattacke und mega angstzueständ. ha denn au herzrase und schmerze ide brust und krieg kei luft (alles klärt ich bi körperlich gsund)

ich ha scho büecher glese, bin bim psychiater gsi, has mit allem mögliche versucht und nüt hilft.

kennt das öppert au und cha sich viellicht chli ustusche? Fühl mi so elleige mit dem problem :(

oder het öppert tipps? Ich gah morn für 2 wuche id ferie und ha grossi angst das es det unerträglich wird.

danke im vorus ❤️

Antworten

Antworten sortieren

Antwort

Lili
Geburtsjahr
1993
Geschlecht
weiblich
Tätigkeit
Sozpäd i.A.

Hesch denn mol mit dim Psychiater drüber gredet, dass du ds Gfühl hesch, es bringt dir nüt? Velicht het är jo no anderi Idee, wie är mit dir schaffe chönnt. Und natürli goht so öpis au nid vo hüt uf morn wäg. Mängmol bruchts au würkli mol angstlösendi Medikamänt, dass überhaupt dra gschafft wärde cha. Oder es brucht e intensiveri Therapie ime gschütze Rahme, ere Klinik. Aber do kennt sich din Psychiater besser us.

Min Tipp an dich isch: Heb käi Angst vo dr Angst. Je meh du dich vo dene Panikattacke fürchtisch, desto schlimmer wirds. Überleg dir scho im Vorfäld, wie du reagiere wirsch, wenns afangt und was du tue wirsch, wenns unerträglich wird. Bezieh dis Umfäld in din Notfallplan mit ii (zB dini Eltere um Hilf bitte oder mit Fründe abmache, dass du ihne dörfsch alüte). Versuech dir Sache züberlege, wo dir guet tüend und dich chönned chli beruhige.

Kommentare

Kommentar
Elisaa79 |
Geburtsjahr
1995
Geschlecht
weiblich
Tätigkeit
-

Dankä für dini antwort ☺️

ich ha mir etz paar sache überlegt wo ich cha mache wenn das wieder passiert. meistens bini nemlich sehr unvorbereitet gsi. Danke für de tipp!

ich werd mir en notfallplan zemestelle. medikament hani pflanzlichi und ich möchts au gern ohni chemie schaffe will ich no sehr jung bin.

ich wird mir din tipp zherze ne und bin gstärkt für mini ferie (bis ezt übrigens angstfrei!)

❤️

Kommentar
Lili |
Geburtsjahr
1993
Geschlecht
weiblich
Tätigkeit
Sozpäd i.A.

Hei Elisa

Du machsch das super. Das chunnt scho guet!

Schöni Ferie! ☺️

Antwort

Wunderfee
Geburtsjahr
2001
Geschlecht
weiblich
Tätigkeit
Fachfrau Gesundheit in Ausbild

Hallo du

Danke dass du üs das Thema vertrausch...

Ich han selber lang panikattacken gha...

Ich weiss ned was du bim psychiater alles glernt hesch aber mir heds ghulfe mif vorzstelle ich bin ammene ort wo es mir guet gaht süst chani der das au mal zeige

Meld di