Depressione vom Partner belastet
Hallo zeme
Min Fründ isch depressiv und fühlt sich oft einsam. Er het IV und isch immer nur dihei und macht praktisch nüt. (kein schlafrhytmus, kein tagesrythmus, kei beschäftigung) Inre Klinik ischer scho gsi (mehrere) das het ihm nöd ghulfe, er het schlechti erfahrige gmacht. Er will das nümme probiere.. Ich weiss überhaupt nöd wie ich im helfe chan und er will au kei hilf. Er gaht sit eme halbe jahr nümm zu sinre psychologin wo er mal gsi isch und Medikament nimmt er au nümm will er seit es bringt nüt und er het nebewürkige wo unahgnehm sind. Anderi Medikament het er au usprobiert. Er will kei Medikament meh neh will er sgfühl het nümme er selber zsi. Ich fühl mich hilflos und trurig und hässig glichzitig und eifach nur überforderet. ich weiss eifach nöd wie das witer gah sell. Er wür gern zemezieh, ich eigentlich au aber er het au no eh spielsucht und offeni betriebige und ich han angst das er mieti den nöd regelmässig zahlt.. Ich han en Job und es Studium und au nöd immer zit und bruch au mal zit für mich. 😔 LG Luna
Antworten
Antwort
Hoi Luana
irgendwia hani zgfühl du redsch vo miar😅
i kenns... i bin au mit minem maa zemma zoga wo er no schulda kha hett.. aber sie sind nid vonera sucht kho. Er hett sus problem kha. Es isch schwierig zum as jo oder nei sega. Dia blödscht antwort wo aber dummerwiis richtig isch, isch das uf dis herz losa muasch. Und wenn zherz jo seit, a miati gfinda wo du allafalls au allai träga kasch. Den kasches usprobiara dumm gseit. Aber es bringt vieli hinderniss mit sich. Das muasch diar bewusst sii. Miar hends aso gläöst daser sis eigeta zimmer hett woner sich zruck zücha kann. Aber au den knisterets mengmol. Und wenn seisch das no im studium bisch, luag das allafalls au a eigets zimmer hesch wo du di zruckzücha kasch wenn diar den decki ufa kopf kheit. Falls das driliggt.
weiss nid ob diar mini antwort hilft, sus döfsch di au so bi miar melda☺️
liabs grüassli