< Zurück zur Übersicht
(Seite 1 von 1)

Dosis erhöhig

Conny
Geburtsjahr
1997
Geschlecht
weiblich
Tätigkeit
-

Hej zäme:)

Ich muss eifach mal ebis loswerde und ev hend ihr ja tipps für mich...

Also i nim jetzt ca 1 jahr verschideni tablette weg minre psychische verfassig. Vor einre wuche hani e dosis erhöhig becho und jetzt hani irgendwie keis sättigungs gfühl meh. Ich bin liecht am duredreie will ich s gfühl ha dasi etzt scho mega zuegnoh han. Debi stimmt das gar ned,i meine i ha erst sit 2 wuche die neu dosis. I probier au wükki ned die ganz ziit z'ässe, aber es isch so astrengend wenn mer immer es hungergfühl het... I ha au angst dasi wieder mit erbreche afange, wili ned so ganz druf klar chume🙄

Het eber vo eu ideeä wie ich mich ablenke chan oder wie mer das gfühl vo immer hungrig und ned satt werde weg bechunt abgseh mit ässe?? Han scho ziemli vieles probiert aber irgendwie wirds ned besser...

Danke eu:)

Antworten

Antworten sortieren

Antwort

Lili
Geburtsjahr
1993
Geschlecht
weiblich
Tätigkeit
Sozpäd i.A.

Hei Conny

Eventuell hilfts, wenn du eifach meh trinksch - immer bevor du zu öpis Zässe trinksch es Glas Wasser oder e Tasse Tee trinke. Und denn chasch jo easy no e handvoll Truube oder es paar Öpfelschnitzli oder Gurkeschiibe drzue ässe. Oder au mol es Guetzli oder e Riiswaffle. Was au guet hälfe chan, isch wenn du Sport machsch (ämel mir vergoht denn immer für es paar Stund dr Apetit). Velicht redsch au mol mit em behandelnde Arzt do drüber, de weiss sicher au irgend en Rat.

LG

Kommentare

Kommentar
Conny |
Geburtsjahr
1997
Geschlecht
weiblich
Tätigkeit
-

Hej Lili

Danke dir für dini Tipps👍🏻 ja voll das mitem Glas Wasser probier i male us:) Han au scho drüber greded und s het gheisse, wen die Nebewürkig ned weg gaht, denn müemer ev nachere andere lösig sueche. Aber i hoff das sich das no ipändled und dini Tipps probier ich male us😊 wünsch der en schöne abed🍀