ich mag eifach nüme
also ich weiss grad ned wo ahfo aber ich weiss eifach nüme witter. ich kann mich eigentlich gar nid beklage es lauft eigentlich alles guet im läbe han e mega tolli person gfunde wo für mich do isch, mit mim mami hanis eigentlich au gued nume mit mim vater hani kei kontakt oder möcht keine will er eifach anderi sache bevorzugt vor mir wasi nid verstand wieso me sich nid für sini eigeni tochter chan interessiere. aber das isch nid mis problem ich will eif nüme, nid dassi nüme läbe will aber ich will dass ganze eifach nüme. ich han au ahgfange droge näh und alles han die ganzi ziit zämme brüch und es lauft eufach nüd me. ich weiss eifach irgendwie nid was mache dorum schriebi jetzte mole paar sache do ihne eifach demit ichs mole abgschobe han vo mir unds nid nume in mim chopf isch. ich weiss au ned wieso ich die ganzi ziit so zämme brüch han und es macht mr e chli angscht. ich han jetzte de schritt gwogt zumene psychiater zgo aber das isch erscht imene monet und ich han angst das bis dört he no viel anderi sache wärde passiere. ich will nid so viel droge näh bsunders nid opiat aber im momänt wos mr scheisse goht hani nid d kraft dezue nei zäge und nochärte bereuis immer aber weiss nid wie demit umgoh. ich will das das ganze eifach ufhört und ich wiedr normal im chopf chan si.
Antworten
Antwort
Hoi, wünsch dr viel Chraft. Do d Nummere 147, gratis, wod chasch mit Lüt rede usw.
Antwort
Hoi Victoria, ich hoffe dini Situation het sich es biz beruhigt. Bisch ide Zwüscheziit scho bim Psychiater gsi? Das töhnt jetzt villicht chli blöd aber eventuell würd dir es Antidepressiva oder so öppis ide Art helfe wieder stabiler zwerde aber das muesch du natürlich mit dim Psychiater ahluege und erstmal eh Diagnose erstelle. Ich han au sit Jahre mit mim Kopf zkämpfe, mengmal au ohni richtige Grund. Ich weiss vo minere Erfahrig eifach, dass es bi so ernste Fäll meistens vo nöd eifach vo allei besser wird und professionelli Hilf + die richtige Medikament Wunder bewürke chönd. Es wär ufjede Fall eh besseri Lösig als dim Körper irgendwelchi herti Droge zuemuete. Ich han mehreri Lüt ih mim Lebe ad Droge verlore und ich hoffe, du findsch en gsündere Weg mit dine Gedanke und Problem umzgah. Therapie isch sicher scho mal eh gueti Idee, wichtig isch eifach dass du dich dete wohl fühlsch und dich öffne chasch! Hesch irgend es Hobby oder öppis wo dir Freud macht? Zeichne, Schriebe, Singe? Ich han ahfange Male ih minere schlimmste Phase vor paar Jahr und bin jetzt no dra will mich d'Farbe dra erinneret dass d'Welt nöd eifach nur grau isch. Und bezüglich dim Vater, möcht ich dir eifach nomal sege dass das überhaupt nüt mit dir ztue het. Er het sehrwahrschienlich eifach Problem mit sich selber und das isch sini Sach. Ich han au sehr wenig Kontakt mit mim Vater und han au lang brucht zum demit klar cho. Schön, dass es guet hesch mit dim Mami. Das isch viel wert. Ich hoffe sehr, dass du en Weg findsch us dem use zcho und wieder glücklich werde chasch. Ganz ganz viel Liebi.
Kommentare
Kommentar
Und Lüt wo dir Droge ahbietet sind kei gueti "Kollege". Umgib dich mit Lüt wo dir guet tüend und s'beste für dich wänd. :)
Antwort
Hey Victoria
Ich känn das Gfühl, ich han im letschte halbe Jahr 2-3x so Phase gha. Immer so ungefähr 2 Wuchä, wo ich s Gfühl gha han, ich chan nüme und äs isch mir alles zvill. Ich han kei Ahnig warum und warums uf eimal wieder wäg isch.
Kommentare
Kommentar
Dangge viel mole <3