Es duet mir leid, dass du grad soviel duremachsch und schiinbar alles uf einisch zemechunt, das isch sicher e mega belastendi ziit und da isches au verständlich, dass du dich überfordered fühlsch.

Dass du s Gfühl hesch, dass du nume am jammere segsch bim Psychiater, isch wahrschindli nur din eigete idruck. Dassmer das wasmer grad am verarbeite isch hüüfiger verzellt i allne details isch völlig normal und hilft bim überwinde devo. Und genau dafür isch din Psychiater doch au da, zum zuezlose und dir bi dem Prozess z helfe. Du musch dich da sicher nöd schäme und scho gar kei schlechts gwüsse ha wege dem, das wird de richtig Weg si.

Ich denke du sötsch versueche dir selber meh Ruum zgeh mit dene Problem. Los uf dini Gfühl ohni dich z verurteile. Es isch voll okay mal e schwächeri ziit zha und Hilf zsueche. Villicht hesch ja no anderi lüüt wo dir zuelosed und unterstützig geh würded.

Ich persönlich denke au es isch wichtig, dassd nöd de Idruck hesch dassd alles ufs mal muesch chöne handle, evt. git für en chline Teilbereich vu dine Sorge scho Schritt wod gah chasch zum die z verbessere und so d gsamtlascht abnimmt und du meh chraft findisch für die grössere Themene azgah.

Selbscht wenn sogar so es Forum wie das da chuum no bsuecht isch, du bisch nöd elei wos mal so gaht im Lebe. Gseh bitte nöd das alles als dini Verantwortig, es git au Problem, bi dene bruchts eifach ziit. Eventuell hilfts der au dich mit anderne Sache abzlenke und en geordnete Tagesablauf zha wo dir denn weniger schlimmi Gedanke chömed willd mit anderem abglenkt bisch. Oder wennd au eifach öper bruchsch wo dir zuelost chasch mer au direkt schriibe.

Jedefalls, ich wünsch der viel chraft für die ziit.

Lg

Marc