hallo zäme

han die app grad per zuefall gfunde. Mir gahds sit paar mönet ned wirklich gued bzw ich weiss ned mal wie gued oder wie schlecht es mir gahd. Ich han öfters mit verschedeni üebige probiert mis selbstwertgfühl und mis selbstbewusst si wieder zstiegere. Hand das mit Medidatione, mit yt Videos, mit vielne sprüch lese probiert aber es hed alles so gued wie nüd gnützt. ich han en sehr guete fründ wo mir sehr viel liebi zeigt und jede mal seid wie gued ich eig als mönsch bin. egal wer das seid, ich empfindes eifach ned eso. Ich has sgfühl bin en ganzi enttüschig für alli. Ich bechume nüd wirklich ene und chan au nie uf mich selber stolz si.

Ich hasse mich selber sehr und alles aa mir, usserlich wie innerlich und ich weiss ned wiso. die frag stell ich mir sit mönet und weiss ned witer.

bechume deswege au immer meh angst. han mit fründe gredet und die hend mir gseid wenns ned besser wird, evtl. psychiatrischi unterstützig hole.

ich han aber sehr angst vor dem au vor allem well ich ned wet das mini eltere öppis vo dem erfahred wie es mir eigentlich gahd, ich wet das eifach ned. Das isch bi mir nid üblich, das ich hilf bsorge.

hed öpper tipps?