< Zurück zur Übersicht
(Seite 1 von 1)

Kei Kraft meh

Wärauimmer
Geburtsjahr
1997
Geschlecht
weiblich
Tätigkeit
Kauffrau in Ausbildung

Hallo zämme,

Ich hoff, es ka mir öbber hälfe.

Ich ha syt 4 Johr regelmässig Krisene (vor allem Depressione). Am schlimmste isch s vor drei Johr gsi, woni psychotisch worde bi. Ich bi denn in d Klinik, was mir zwar gholfe hett, aber syt e paar Mönet isch s wieder mega schlimm. Wäg mim Autismus kanni weniger guet Stress verarbeite, was sich uff mini Psyche usswirkt...ich ha eifach gnueg drvo, immer z liide und müesse durehalte...und ha Angst drvo, mir Hilf z hole. Mängisch würd y am liebste stärbe...Kennt das öbber?

Wär mega froh, wenn mir öbber würd schriibe

Antworten

Antworten sortieren

Antwort

Lili
Geburtsjahr
1993
Geschlecht
weiblich
Tätigkeit
Sozpäd i.A.

Wenn eim alles zvill isch und mr kän Uswäg us all dem Stress gset, käi Möglichkeit öpis nochhaltig zverändere, isch es eigentli logisch, dass mr denn ufd Idee chunnt, dass Stärbe die einzig Lösig isch wo ds Eländ für immer beändet. Aber Stärbe isch ebe au käi gschiidi Lösig und no drzue eini, wo mr eigentlich gar nid will - mr wett eigentlich läbe ohni zliide, oder?

Wenn du Autismus hesch, denn chan ich mir vorstelle, dass es für dich bsunders schwer isch uf nöii Mensche und ebe au Therapeute zuezgo. Aber ich glaub, das mit em Hilf hole findet echt niemerds toll und es händ alli chli Schiss drvor. An sich schaffe isch schliesslich au ganz schön asträngend und ame furchtiflösend und au wieder überfordernd. Aber es lohnt sich, will es isch en Schritt zum us em Leid usezcho, hi zu dem wo du jo eigentlich wettsch, drum wärs ebe glich gschiid zums nomol probiere. Und immer wieder...

Kommentare

Kommentar
Wärauimmer |
Geburtsjahr
1997
Geschlecht
weiblich
Tätigkeit
Kauffrau in Ausbildung

Merci vielmoll!,😊

Ich ha mi jetzt überwunde und e Therapeutin aagfrogt.

Du hesch natürlich Rächt, nur an eim schaffe bringt ein witer und es stimmt, was du übers stärbe schriebsch.

Antwort

Lili
Geburtsjahr
1993
Geschlecht
weiblich
Tätigkeit
Sozpäd i.A.

Mega stark! Ich hoff du dörfsch gueti Erfahrige mit diner Therapie mache und Schritt für Schritt in die richtigi Richtig vorago, hi zu dem Läbe wo du dir wünschisch.

Antwort

Wärauimmer
Geburtsjahr
1997
Geschlecht
weiblich
Tätigkeit
Kauffrau in Ausbildung

Merci!!☺️