Hallo :)

Ich verstand glaub ziemlich guet was du meinsch.

Selbst bi Sache wo einem eigentlich Spass mache, empfindet me kei Spass und keini Freud meh. Selbst wenn me Zyt mit Lüt verbringt, mit dene mes eigentlich guet het, het me kei Freud dra. Me kas eifach nit gniesse. Isch öbbe das, oder?

Bi mir goht das sit öbbe 8 Monate ähnlich.

Was ich glernt han isch, dass es en Grund drfür git, wieso das so isch. Ich han bi mir dr Grund usegfunde und s het mir gholfe, das zverstoh. Ich weiss jetzt, wora ich schaffe muess, drmits wieder guet chunnt, au wenns nit so eifach isch.

Überleg mal zruck. Was isch damals passiert? Hesch Problem kah mit dr Familie, oder mit Fründe? Gsesch keini Ussichte für dini Zuekunft? Hesch im Job Schwierigkeite? Es het en Grund, dass es dir so goht. Probier de irgendwie zfinde, und du hesch dr ersti Schritt gmacht, um us dem wieder use zkoh!

Bisch nit allei mit sowas. Und du bisch nit verruckt. Das darfsch nit vergesse.

Liebe Gruess, Marc.