Das isch scho Mobbing ja : (

Ich wür halt probiere, das dim Exfründ sege und bitte, dass er sine Kollege söll sege, dass das denebet isch, was sie machet. Sehr wahrschinlich hends eh kei Ahnig, wie eui Beziehig würklich gsi isch.

Das isch ganz klar scho Mobbing. Ich würd mal mit dine Eltere drüber rede, damit er viellicht zemme mit sine Eltere rede chönd.

Wenn das nöd wetsch denn hilft viellicht en Brief. Schrib alles uf, wie scheisse s dir demit gat und so. Denn gisch ihm de zum lese und viellicht gset ers denn ih.

Viel Chraft!

Das isch Mobbing. Und wenn du drunter liidisch, denn isch das en Grund öpis zunternä. Wie scho vorgschlage chasch als ersts Mol dini Familie um Hilf bitte. Und versueche mit de Täter zrede oder sie schriftlich drum bitte ufzhöre. Mach unbedingt e Kopie vo some Brief. Und schrib dr uf, wenn was und wo passiert isch. Wenn d Täter nid ufhöred, würd ich e Azeig mache - das chasch au im Brief bzw. Gspräch scho erwähne.

Warum du e Azeig chasch mache? Wenn du drvo Panikatackene bechunnsch, isch das gläbs bereits lichti Körperverletzig. Beschimpfig isch au strafbar. Verleumdig und übli Nachred wäred ebefalld strafbar (weiss jetzt grad nid was dass es wäri). Drohig und Nötigung wäred witeri Tazbeständ wo chönntet ufträte, vo dem hesch aber bishär nüt verzellt. Zu Sachbeschädigung isch es jo au nid cho.

Vill Erfolg drmit die Situation in Griff zkriege. Wiis velicht din Ex nomol druf hi, dass ÄR Schluss gmacht het. Es schiint als würd.är sich in diner Ehr verletzt fühle...