Sorge oder scho depression
Ich han im Januar 24 e Chnü Op gha- sit det bini arbeitslos, im November 24 hani die zweit Chnü Op ghaa, immernuch arbeitslos. Ich weiss nümme was ich mache söll, ich bi imne Loch und chum det nümme ufe, ich ha kei Geld, ich ha Rechnige und Mahnige woni zahle sött, ich verbarikadier mich wörtlich dehei, will ich weiss dass weni mit Kollege öppis mach, denn bini glücklich und sobaldi zrugg chum, ghei ich wieder is Loch. Ich glaub langsam schu fast ich ghei id Depressione. Egal wer versuecht mir helfe, es chömed nur dummi Sprüch, wo mir selber bewusst sind, sie verstönd mich ned, sie sind ned i minere Lag. Ich bin fertig.
Antworten
Antwort
Hey :)
es duet mir leid, dass es dir so schlächt goht. Ich weiss uss eigener Erfahrig, wie s isch, wenn me im ne Loch isch und nüm witer weiss. ABER: es git immer e Lösig und du bisch nit ellai. Wenn ich di richtig verstand, fühlsch du di einsam. Das ka ich verstoh. Aber obwohl ich di nit kenn, bini sicher, dass es Mensche git, wo s wichtig isch, wie s dir goht.
Villicht kasch du das im Momänt, wells dir so schlächt goht, nit seh, aber du bisch stark. Du hesch dini Problem do gschriebe, das brucht viel Muet. Bravo! und jedi Krise, wo du überstohsch, macht di stärker.
So wie du s schilderisch, liedisch du aber scho rächt stark, dorum söttisch dir professionelli Hilf hole. Au das isch kei Zeiche vo Schwächi, sondern vo Stärki.
Ich wünsch dir alles Gueti
Kommentare
Kommentar
Ich probier alles wassi chan und probier mir vorneh, jede Tag wieder usegah. Danke 🙏🏼