Ja, kenn ich und worschienli viel anderi lüüt au. Hets es Gewässer oder Schwimmbad i de nöchi? Tauche hilft au. Evt. e Taucherbrille kaufe und e chli i s'Wasser. LG

Bouldere isch guet

Hallo Jule

Ja, das kenni au. 😓

In akute Situatione hälfed scho Atemüebige. Stell dr vor, wie du Rueh ii- und dr Stress usatmisch. Du chasch au e sone Sekunderegle nutze: 2-4 Sekunde iatme, denn d Luft 3.5-7 Sekunde ahalte und nochhär 4-8 Sekunde usschnuufe. Wichtig isch ds Verhältnis, nid welli Duur du wählsch. Es cha au hälfe, ganz festi Füüst zmache und d Spannig ganz bewusst lozzloh. Oder e Ohrmassage isch au immer hilfriich gege Stress und Aspannig.

Wenns nid grad eso hochakut isch, chönned eifachi Massnahme zum Stressabbau hälfe. Bewegig und Sport uf dim Niveau, es warms Bad oder e Bettfläsche, in e Decki ikuschle, Entspannigsmusik lose, öpis mole oder gstalte, sälber Musik mache und v.a. singe oder au längeri Entspannigsüebige wie autogens Training, Fantasiereise oder progressivi Muskelrelaxation.

Aber am allerwichtigste: Sorg drfür, dass du din Alltag eso gstaltisch, dass es gar nid zu sonere Asammlig vo Stress chunnt. Das isch echt ungsund. Wenn ds Schaffe voll asträngend isch, denn z.B. luege dass du am Mittag en Momänt zum Dureschnufe hesch und elei bisch, statt mit de Kollege go ässe. Oder wenn du sunst no vill abmachsch und so, isch weniger velicht eifach meh.

LG