An alli vo Luzern oder die wo Luzern könnid! Bruche en rotschlog 😂
Hallo zämme!
An alli wo luzern könne:
Das weekend chöme es paar uslendischi kollege und kollegine zu mer w18 zbsuech und wönd öppis unvergessliches in Luzern unterneh. Ich wär med ehne irgendwo ufnem Berg ufe (Rigi oder Pilatus) oder hät öppis am See gmacht aber s'Wetter schint ned so guet deför zsi.
Hed öpper vo euch no anderi Vorschläg wo mer chönnt in Luzern mache (ned so museum sache) wo mer au *nur* in Luzern cha mache?
Mer hend es Auto, meh oder weniger Geld, sicher hunger und wönd wie gseid öppis möglichscht luzerntypisches mache hahha
Danke im Vorus vör euri Tipps!
Antworten
Antwort
Also über öiri tolli Bruck spaziere cha mr au bi Schlächtwätter. Velicht isch jo sogar no nöime Wiehnachtsmärt ir Stadt. Und Schifffahre isch au nid vom Wätter abhängig. Als Uswärtigi fallt mr natürli als Ersts mol ds Verkehrshuus ii, aber das isch halt es Museum, wenn au es cools und interaktivs. Ds Swiss Chocolate Adventure wär au no dört, Schwizer Schoggi isch für Usländer immer guet. Oder Chäs, händer ächtsch irgendwo e Schauchäserei? Was ich au no kenn isch natürlich d Glasi in Hergiswil, au immer en Bsuech wärt. Und sunst sinds halt scho dr Pilatus und d Rigi, das fallt mr au grad zerst ii. Aber bi Schlächtwätter isch es würkli chli doof. Es git jo no die luzärnische Sehenswürdigkeite, aber die meiste find ich jetzt nid so bsunders spannend. Du chönntsch jo dine Kollege au eifach dini Lieblingsplätz zeige und drzwüsche immer mol wieder dini Lieblibgskaffis ibaue zum Ufwärme?