Hettisch du zbs. öpper engs wo du drüber chöntisch redä? Ig chas nachvouzieh das es einem bedrückt weu me nit e befriedigt Beschäftigung cha noche goh. Aber ig finde um so wichtiger das du öpper hettisch wo sich chli Zyt nimmt das du drüber chöntisch rede.

Sgaht mer genau glich vorallem jetzt mitem Virus gheit mer no zuesätzlich decki ufe kopf 😒

Ja, das chan i guet verstoh. Es sött en Art Selbsthilfegruppe gäh, oder me sött eini gründe chönne, wo sich Lüüt mit ähnliche

Problem chönnd ustusche, ohni dass sie grad müennd professionelli Hilf in Anspruch näh. Das sött ganz sälbstberständlich sii,

vor allem bi Arbeitslose, wird diesbezüglich viel z`wenig gmacht.

Ich han mini neu Stell wäg Corona bereits nach es paar Tag scho wieder verlore, wil de neu Arbeitgeber wäg weniger Arbeit die

befristete Verträg ufglöst hät. Da cha eim scho d`Decki uf e Chopf gheie und es tuet villicht scho e bitzli helfe, wenn me weiss,

dass me nid allei isch. Ich hoffe ganz fest, dass Corona bald verbi isch.

Ja könni leider zu guet :(

Dadöre das ich au ke Job ha hani weniger Geld und auch ke gregelte Arbeitsablauf. MIn Sozialkontakt isch nöm nennenswert :/

Hoi Pascal

Das mit de Sozialkontakt wird zuenehmend es Fiasko, wil Corona die Situation no zuesätzlich verschärft bis ins Unerträgliche, das isch dermasse kontraproduktiv!

Ich han jetzt bi Häschziit angefragt, ob me nid e Art es Projekt chönnti starte, zum Selbsthilfegruppen gründen, wo sich genau mit dem Thema usenandersetzt,

anstatt, dass jede und jedi für sich allei i de Isolation versinkt !!!

Ich hoffe, da laht sich öppis bruchbars uf d`Bei stelle. Bi mir sind die soziale Kontakt massiv zrugg gange, da muess jetzt dringend öppis uf d`Bei gstellt werde !!!

Wie gsehsch es Du im Moment ? Häsch no e Fründ oder e Fründin, wo Verständnis hät für Dini Situation ? Min Fründ hät sich en anderi gholt, bin nüme attraktiv gnueg gsi, wil Männer stönnd ja jetzt uf "unabhängigi" Fraue. Da chan i ohni Job nüme mithalte... Naja, da zeigt sich denn halt, ob`s e Fründschaft wert isch, wenn me genau denn allei glah wird, wo me am dringendste en Fründ bruchti, wo eim verstaht und eim Halt git, anstatt sich us em Staub z`mache. Jetzt wärde mir sogar privat ersetzt und austauschbar als Menschen und nid nume no wie`s i de Arbeitswält als Arbeitskraft scho lang praktiziert wird. Seeehr bedenklich, find i ! Da müemer dringend öppis ändere erst Rächt und grad w ä g e Corona !!! Was dänksch Du da drüber ?

Mir gatz öbbe glich..Ich bin zwar bewusst arbeitslos, aber depressione sind glich ume. Was belastet dich denn?

Mich schissd eifach euses System ahh🙈