< Zurück zur Übersicht
(Seite 1 von 1)

ICH SUCHE EIN FERIENJOB ETWA 30 FR. ODER NOCH VERHANDEL BARER PREIS

nelly
Geburtsjahr
2006
Geschlecht
männlich
Tätigkeit
Schüler

☺️ ETWAS ZUM AUSHELFEN BITTE

Antworten

Antworten sortieren

Antwort

Lili
Geburtsjahr
1993
Geschlecht
weiblich
Tätigkeit
Sozpäd i.A.

Hallo junge Maa ☺️

Also ich cha dr säge, dass das mit em Feriejob schwierig chönnti wärde, wenn du erst 13 bisch. Wills nämlich gar no nid erlaubt isch i dem Alter ere Arbeit nochezgo, nid mol als Feriejob. Also en Betrieb chan dich grundsätzlich nid istelle, bevor du 15 bisch - bis dörthi müestisch bi de Nochbere go Blätter zämewünsche, Babysitte, für öper go ikaufe, jüngere Chind chli Nochhilf gä in de Fächer wo du guet bisch, dr Hund go Gassi füehre oder sowas in dere Art. Wennd Glück hesch, hesch au Verwandti wo dich chönned in ds Büro mitnä zum chli Blätter iordne oder Kuvär zuekläbe. Damit du mit somene Job uf 30 Franke chunnsch, müestisch öppe 2-3 Stund schaffe, will meh als 10 oder velicht wennd mega Glück hesch 15 Franke pro Stund wirsch chum becho. Du muesch dr vorstelle, dass dr Stundelohn vomene Erwachsene, wo sich scho vill meh gwöhnt isch zum Schaffe, au nur zwüsche 20 und 30 Franke ligt. Am Beste schribsch es Inserat und hängsch es bi öich im Lade and Inseratwand. Schrib din Name, dis Alter, dini Telefonnummere und was du dir chönntsch vorstelle zum mache dört druf. Chasch au mol chli i dim Bekantekreis und ir Nochberschaft umefroge.

Vill Erfolg wünsch ich dir.