Lehr abbräche?
Hallo zämme,
Ich schrieb do, well ich grad rächt verzwiflet bi und mir villicht öbber ka hälfe.
Ich bi jetzt im 2. Lehrjohr vo ere verkürzte KV-Lehr und weiss nit, öbb y söll witermache oder nit. Ich ha mi vor eim Johr für die Lehr entschiede, well ich kei Praktikum gfunde ha, woni brücht hätt als Zuelassig zum Fachhochschuelstudium. Aber eigentlich hani nie e KV wölle mache und merk au jetzt, dass es mir nit entspricht und mi depressiv macht. Einersits bin im Kontakt mit mine Mitarbeitende überforderet, well ich Autismus ha, anderersits sinn mir d Uffgobe z eifach. Ich ha scho paar moll mit minere Bruefsbildnerin gredet, aber viel hett das nit brocht. Ich würd am liebste abbräche, aber weiss nit, was y denn söll mache, well au d Fachhochschuel interessiert mi nit wirklich, am liebste würdi an d Uni, ha aber kei Matur. (Ich weiss, e Lehr oder d FH sinn viel wärt, aber s git dört eifach nüt, wo ich glaub, dass es zu mir passe würd). Die ganzi Situation und mini Ambivalänz nähme mir alli Läbensfreud. Hett öbber vo euch Erfahrig gmacht mit Lehr abbräche? Oder mit e blödi Lehr durezieh? Würd mi freue, wenn ihr mir schriibet
Antworten
Antwort
Hallo du :)
Din Wunsch ischs an d Uni go zkönne.
Glaub mr eins, wenn dus KV dureziehsch und denn an d FH gosch, wirschs vermuetlich dis Lebe lang bereue. Du wirsch dich frooge, was denn hätti si chönne, wenn du an d Uni wärsch.
Und wer seit denn eigentlich dass du nit an e Uni kasch?
Ich glaube, dass wenn ich in dinere Situation wär, folgendes mache würd:
1. Lehr no durezieh. Du hesch meh als d Hälfti scho gschafft! Au die Zyt goht vorbi, wenn du es Ziel vor Auge hesch.
2. Nach dr Lehr d Bruefsmatur nachehole, sofern du sie no nit hesch. Das goht 1 Jahr lang, wenn dus Vollzyt machsch. Wenn du die aber scho hesch (für d FH bruchsch ja au d BM) sparsch dr de Schritt scho 💪🏼
3. Direkt aschliessend d Passerelle mache. Die ermöglicht dir dr Zuegang zur Uni, au nur mit dr Bruefsmatur. Goht 1 Jahr Vollzyt.
4. Ab an d Uni.
Wenn du wirklich an e Uni willsch; und au scho gwüssi Vorstellige hesch, was de wotsch, denn isch das dr Weg wie du zu dem Ziel chunnsch.
Wenn dich dini Lehr aber so enorm belastet, dass dus kei Jahr meh schaffe würdsch, denn würdi mal in d Bruefsberatig go, und frooge was du für Möglichkeite hesch.
Wünsche dir uf jede Fall alles Gueti, wer au immer du bisch. Hoffe dass de zu dim Ziel chunnsch; und dass du das wirsch mache könne, das dr Spass macht 😊
Antwort
Hallo du :)
Ich hätte dir einen ähnlichen Rat gegeben, wie der oben von Marc. Mit der Fachmatur kannst du die Passerelle machen und dann an die Uni. Dort hast du ganz viel Auswahl an Fächern und wirst bestimmt etwas finden, das dir gefällt. Vermutlich eher etwas theoretisches? Da das Schuljahr aber bereits wieder angefangen hat und du die Hälfte deiner verkürzten Lehre ja bereits in der Tasche hast, würde ich dir ebenfalls raten, diese im nächsten Sommer abzuschliessen und erst danach die Passerelle zu machen. Eine abgeschlossene Grundausbildung kann nie schaden und macht sich auch im Lebenslauf viel besser als eine abgebrochene.
Ich kann verstehen, dass für dich der Kontakt mit den Mitarbeitern schwierig ist. Ich frage mich aber, ob es den überhaupt unbedingt braucht? Wäre es nicht möglich, dass du einfach dein Ding durchziehst, deine Aufgaben zuverlässig erledigst etc. aber hauptsächlich Kontakt zu deiner Ausbildnerin hast? Und vielleicht findest du ja Möglichkeiten dich ausserhalb der Lehre geistig etwas mehr zu fordern, zum Beispiel in dem du etwas Neues lernst - eine Sprache, ein Instrument, eine Programmiersprache oder so etwas. Dann ist dein Hirn beschäftigt. Das könnte helfen, dass du dich wieder besser fühlst, mehr Sinn in deinem Leben siehst und auch mehr Kraft und Motivation hast um zur Arbeit zu gehen. Ausserdem ist es wichtig, dass du dich entschliesst, dran zu bleiben (oder wenn es gar nicht geht auch aufzuhören), nur wenn du einen klaren Entscheid gefällt hast, wirst du dich wieder sicher fühlen können mit dir selbst. Das gilt auch für deine Zukunft - je klarar sie ist, desto leichter lässt es sich aushalten darauf zu warten, weil das aktuelle "Leiden" eindeutig vorübergehend ist. Maaaann, tönt das doof, so philosophisch oder so, aber ist echt wahr!
Ich musste auch mal ein Jahr durchziehen, das absolut schrecklich war, weil ich gleichzeitig überfordert und unterfordert war. Ich musste mich echt den ganzen Tag davon abhalten zur Türe rauszurennen und alles hinzuschmeissen. Ich dachte, dass ich das unmöglich durchhalten kann - aber ich konnte. Und ich bin heute so froh, dass ich die Ausbildung abgeschlossen habe. Auch wenn ich nun nicht mehr auf dem Beruf arbeite und mich jedes Mal das grosse Entsetzen befällt, wenn mir jemand vorschlägt, es doch nochmals zu probieren.
Antwort
Hallo
Ich han Erfahrig mit Sache abbreche... :D
Wenn du merksch es isch absolut s'falsche, "chan" en Abbruch helfe.
Aber bevor du abbrichsch, muesch es scho zerts mit Familie usw. bespreche.
Und wenn du suscht absolut kei Ahnig hetsch, was es suscht gäbt, und dini Situation ushaltbar wär, würi halt blibe.
Ich fühl mich momentan au oft glangwilt bim schaffe, chume au z'wenig z'tue über. Aber denn chani zum Bispil uf so Site gah wie da und Kommentär schribe während em schaffe ; )
Kommentare
Kommentar
Dangge vielmoll für dini Antwort :)
Ich ha d Fachmatur und könnt mit dere d Passarelle mache. Ich glaub, das isch e gueti Idee und wenn y merk, dass es mir doch ganz usshänggt, kani jo immerno in d Bruefsberotig. Hesch mit uff jede Fall e Motivation gäh :)