< Zurück zur Übersicht
(Seite 1 von 1)

Lehrabbruch bini ä versager?

Lulu
Geburtsjahr
2002
Geschlecht
weiblich
Tätigkeit
-

Hellouuu lüt da usse. Weiss ni öb sich irgendöpper für ds interessiert was i hie schribe, aber i schribe iz gliich mau. Asso i ha vor ca. 3 Mönet mini Lehr abbroche. Sisch vo miir us nümm gange wüus mir nid guet isch gange u mi aus z fest belastet het, aber o im lehrbetrib einiges fautsch gloffe isch usw... Und jetzt füeli mi eifach us ä ungloublechi versagerin. Und i weiss i muess ds ni u viu lüt sägä mir o ds sigi stark dasi gseit ha äs ging eifach niid u so abr gliich dänki viu so ds hätti doch müesse schaffe usw. kennt ds öpper odr weiss öpper ob ds gfüel vo verseit ds haa mau verbi geit?🙄 mersi scho im vorus🙏🏼

Antworten

Antworten sortieren

Antwort

L_V_CH
Geburtsjahr
2001
Geschlecht
männlich
Tätigkeit
Automobilfachmann in Ausbildun

Hi

äs isch nüt schlimms d lehr abzbrächä ih fings sogar mega muetig vo dir d lehr abzbrächä.

ih ha ou mehrmous drüber nochädänkt d lehr abzbrächä aber ih ziehs dürä und du hesch di entschiede d lehr abzbrächä.

ih ha kollegä wo d lehr abbrochä hei äs isch würkli besser d lehr abzbrächä aus nächer 3-4 johr vom läbä verschwändet z ha.

Kommentare

Kommentar
Lulu |
Geburtsjahr
2002
Geschlecht
weiblich
Tätigkeit
-

Ja da hesch rächt. Aber z beste gfüel isches halt glich nid😅

Antwort

Lili
Geburtsjahr
1993
Geschlecht
weiblich
Tätigkeit
Sozpäd i.A.

Also mir het in so Situatione ame es Lied vo Superchic(k) gholfe. Dört chunnt drin vor: "I'm not afraid to fall, it means I climbed up high". Heb käi Angst zscheitere, will du bisch immerhin so muetig gsi und hesch es probiert. En Versäger bisch, wenn du stoh blibsch, wenn dus nid wagsch öpis zmache. Du bisch aber niemols en Versäger, wenn du en Schritt gange bisch und öpis probiert hesch. Au denn nid, wenns schief gange isch. Du hesch eifach nur e Erfahrig gmacht. Und es isch im Läbe mega wichtig Erfahrige zmache, will mr sich sälber dodurch besser kennelernt. Und es isch muetig und stark sich druf izloh - schliessli het mr immer ds Risiko, dass es nid so toll usechunnt wie mr sich das würd wünsche. Aber au negativi Erfahrige ghöred zum Läbe und oft lernt mr grad us dene bsunders vill, sie sind also niemols vergäbe. Was chasch du drus lerne? Us dere Situation in dr Lehr, dim Umgang drmit, em Abbruch und wies dr jetzt drmit goht? Bestimmt gits Sache wo du über dich lerne chasch und wo du weisch, wie dus in Zuekunft chasch anders oder besser mache und wo du velicht au Hilf bruchsch drzue. Das isch total wärtvoll und ganz bestimmt alles andere als Versäge.

Was mir für dich sehr wichtig erschiint, isch dass du nid in diner negative Erfahrig hogge blibsch und hi und här grisse bisch zwüsche Sälbstmitgfühl und Sälbstverachtig. Gang en Schritt witer. Suech dr e nöi Ufgob, wo du dich dri investiere chasch und wo du positivi Erfahrige chasch mache. Suech solang bis du eini gfunde hesch - ame klappts nid bim erste Mol. Wie bi diner Lehr. Denn bruchts halt en zweite und velicht au en dritte und vierte Alauf. Ds nöie Schueljohr fangt in eme halbe Johr aa. Was chasch bis dörthi mache? E nöii Lehrstell sueche, en Sprochufenthalt mache, in Landdienst go, Freiwilligearbeit oder en Sozialisatz (z.B. Rots Chrütz oder Caritas), en Job zum chli Gäld verdiene, e Reis mache oder irgend es cools Projekt starte wie z.B. es Buech schriebe oder bi eim mitmache, wie bim Klimastreik. Velicht isch es aber au dra e Therapie zmache, velicht sogar stationär, wenns dr würklich ganz schlächt goht.

Wäg de Mensche i dim Umfäld: Es git immer derigi wo findet, dass du öpis falsch machsch. Du chasch dr erfolgrichsti Mensch uf Ärde sii und du wirsch trotzdäm Kritiker ha. Mach dr nüt drus und loss nid uf sie. Du und idealerwis dini Eltere sind die, wo dich am Beste kenned - ihr sind au die, wo am Beste wüssed, was guet für dich isch. Und die wo Entscheidige, wo dich beträffed, dörfed fälle und d Konsequänze träged. Alli andere goht das doch au überhaupt nüt a.

Kommentare

Kommentar
Lulu |
Geburtsjahr
2002
Geschlecht
weiblich
Tätigkeit
-

Wow weiss gad nid was sägä. Zersch mau mersi viu viu mau ds du dir ziit hesch gno für mi. Du hesch i auue so ungloublich rächt. Sisch nur mängisch schwirig ah z näh dases iz haut so gloffe isch wüu is scho ir 9. nid supper guet ha gha u ds für mi eig. sone neustart wäri gsi. Mini euttere heimi ine therapie gschickt, woni aber nur 2 mal bi gsi wüuimi so hert verstellt ha, das d therapeutin gmeint het s fähli mir ja gar nüt. Wiede aber probiere ds guete us derä situation z gsee und füre z luege.😌

Kommentar
Lili |
Geburtsjahr
1993
Geschlecht
weiblich
Tätigkeit
Sozpäd i.A.

Hei Lulu, gärn gscheh! 😊

Wennd di bir Therapeutin hesch müese verstelle, denn isch sie wohl nid die richtigi Person gsi. Zwüschemenschlich sötts natürli scho stimme, sunst chasch dr Therapeutin jo nid vertraue. Und denn chasch di jo gar nid druf ilah, dich ab em sichere Bode uf unsichers Terrain zbewege - sälbst wenn das mega asträngend isch, will du dich muesch verstelle. Eventeull würds sich lohne, das nomol zprobiere, aber uf jede Fall bi öperm anderem. Aber da weisch du am Beste obs nötig isch und du muesch es au entscheide (nid dini Eltere, will gäg din Wille bringts eh nüt).

Antwort

maseca
Geburtsjahr
1998
Geschlecht
männlich
Tätigkeit
Polygraf

Hallo : )

Han au scho mehrmals Sache abbroche, wend möchtsch, chönd mir drüber chli schribe.

Antwort

Pumuggeli
Geburtsjahr
2000
Geschlecht
weiblich
Tätigkeit
Schreinerin

Hey du,

ich ha einige in mim bekannte Kreis wo d lehr Abbroche hend.

Einigi vo dene mache (vor allem sit däms wärmer isch) Velo camping trips und läbe ihres läbe wirklich. sie sind wieder richtig glücklich, well es isch sxho r Riese schritt was du gmaxht hesch und vor allem eine wo einiges an courage verlanGT.

Mi Tipp, nimm dir Zit, orientier dich neu und gnies die Zit, well du wirsch sone Möglichkeit nie me wieder ha!

Alles gueti