So ig möcht da inne mau was loswärde ish mini erlechi und diräkti meinig wäm es nid passt tja denn ish das so.. und zwar ish es mir immer wieder ufgfaue das me do inne überhoupt nid offe ish zum lüüt kennelehre oder zum öpis unternäh mit de lüüt..was ig extrem scheisse und sehr truurig finde... es faht sho bim shribe ah wü ig merke es ging wieder das ig wie dijenigi bi wo sech duet mäude und mau fragt für zum abmache dies das und denn chunnt entweder nid emau gägesitigikeit auso besser gseit nur eisitig.. oder me wird ignoriert oder blockiert oder me shribt nur einish und me ghört vo dere person gar nix meh oder es git nur no de fründ oder sogar kinder ig meine mir si schlussmänt da inne zum würklech lüüt kennelehre für würklech gueti fründschafte z‘ufboue und nid do zum nur schribfründschafte oder non stop Zit verschwände mit hin und här chätte....Ig meine ish das so schwirigi worde diräkt und erlech sie.. eim z‘säge das es nid passt oder so... nei ächt zum schäme sowas.... Da fragt me sech für was me sech duet mäude dies das wenn me de eh nid offe ish oder me ke bock het zum fründschafte ufboue.... Aber ja houptsach zit verschwände mit hin und här shribe nur no kotze die scheiss mönschheit...
Antworten
Antwort
Hei Flauschi
Ich gsen, dass du enttüscht bisch. Und frustriert, will du ds Gfühl hesch, de Lüüt immer hinterhär zrenne und dass nüt vo ihne zrugg chunnt. Das verstand ich voll, isch es doofs Gfühl - und leider gits es immer wieder, sogar ime bestehende und funktionierende Fründeskreis.
Ich dänk aber, du tuesch de Mensche do au chli Unrächt. Es isch sicher nid so, dass die Lüüt do nüt mit dir wänd ztue haa oder so und eifach nid ehrlich gnueg sind, zum dir das säge. Ich glaub, villi sind eifahc nid primär agmäldet zum neui Fründe finde. Sondern zum en Ort zha, wo sie chönned Froge stelle und Hilf bechömed oder wiederum andri unterstütze chönned. Oder velicht au mol zum Kollege für irgend e Aktivität zsueche oder sich eifach chli d Ziit zvertriibe mit bitz chatte. Aber das isch nid das, was du dir erhoffsch.
Ich dänk, dass villi eifach scho gueti Fründschafte händ und das drum nid eso fest sueched wie du. Velicht sind dini Erwartige drum wie chli höch, au in Bezug ufd Verbindlichkeit. Zumal do im Momänt eh rächt toti Hose isch.
Kommentare
Kommentar
Bin noni fertig gsi. Irgendwie het dä Bitrag ds Gfühl gha, är müesi sich sälber abschicke. Und bearbeite cha mr en au nid. 😅
Wasi no han wölle säge: Ich mag mich erinnere, dass mir au scho zäme gschriibe händ vor 5 Johr oder so. Dört isch es eigentlich um ganz ähnlichi Sache gange wie hüt. Dass du einsam bisch unds dir schwer fallt, zum Kontakt mit andere zha. Und du scho villi negativi Erfahrige hesch gmacht. Ich nimm aa, das do isch für dich au nomol eini gsi - das isch natürlich schad. Aber es ghört halt eifach au zum Läbe drzue.
Ich han dir im Chat mol es paar Sache gschriibe in Bezug uf Kommunikation. Liis dr doch die nomol dure, isch am 31.3.2019 gsi. Ich chönnt mr vorstelle, dass das immer no es Thema isch. Aber hei: Du darfsch dich würklich traue, dich sälber zsi. Dini Einzigartigkeit isch es, wo dich für andere Lüüt interessant macht. Zeig sie ruhig. Und find use, was dis Gägenüber bsunders und liebenswärt macht. Dodrus entstönd velicht irgendwenn ganz ungezwunge tieferi Kontäkt oder sogar Fründschafte, wo mr sich würklich mol trifft.
LG, Lili
Kommentar
😢😢😢
Kommentar
Wow die Antwort und d Zit wo du der defür gnoh hesch: gfallt mer!