I fühle mi gad chli einsam, bi im september nach züri für es studium zoge u ha schwierigkeitä aschluss z finde.

Ha mich denn o vor fründin trennt wüu mir d beziehig nid guet het tag, aber bis afangs januar hei mir üs glich no ab und zue troffe. Jitz het si sich aber meh u meh distanziert u ha z gfühl si het öpper nöis kennäglernt.

Bi mir isch das schwirig blibe, bi eher schüchtern u weis teils nid was darfme sägä, wie chani mini bedürfnis nach nöchi mitteilä u ha dert chli blockade.

Aber ha eifach es starks bedürfnis nachere bezugsperson oder öpperem wo o nöchi wett. Ha o dating apps, usw versucht aber ohni erfolg (Isch aus schüche mah eher schwirig). Vorauem wüu di passendi partnerin vilech o eher lieber dahei isch u nid mega gärn i usgang geit.

Bi nid sicher wasi hoffe, aber eigentlich scho uf es wunder. Wüu es belastet mit grad sehr u länkt mit vo dä wichtige essentielä pünkt wi em studium ab.