Heii

Also grondsätzlech wörd ich dir us mine erfahrige us mim verein empfehle vorsichtig z sie met beziehige im verein. Han be mir im verein sälber scho mehreri pärli gseh ond bes jetzt send die meiste entweder nach es paar johr immerno glöcklich zäme oder sie sind bzw. häbd sich meistens nach de trenning gstritte au im verein ond grad för anderi vereinsmitglieder chan das recht schwierig sie vorallem wenn du mit beidne guet uschonsch ond au wiiterhin mit beidne guet uscho wetsch. Ih dere situation besch immer ufgschmisse da beidi dich uf ihri siite zieh wennd aber du d verbindig zo keim verlüre wetsch. Ond erfahrigsgmäs sind die wenigste trenige fredlech verlofe zomindest be eus im verein. Us dere erfahrig wörd ich dir empfehle dir wörklich sicher z sie bevor met de beziehig ahfosch. Somit wörd ich ah dinere stell warte mit de beziehig wenn du dir nonig ganz sicher besch das es öppis langfristigs wärde wird. Wahrschinlech besch bes den au scho 16 ond das währi den keis problem. Bevor du 16 besch wörd ichs au wenn du ihverstande besch ned mache da ich ghört han das sogar anderi persone ihn melde chönd weg dem bin aber ned genau sicher weg dem ond mer mösstis zerst nocheluege öbs wörklech stimmt.

Hoffe han dir chönne hälfe😊

Hoi L

Han au scho ghört das anderi chönd mälde wegem alter. spricht im Kollegechreis hed au scho eine verzellt das gmäldet worde esch obwohl ech em das ned ganz abchaufe. Han selber au mol sone altersunderschid bezihig gha (sie esch 17ii gsii). Zudem no vomne andere land. esch eig guet gloffe aber heds halt kompliziert gmacht. ond i dem altersbereich wi er send chan de unterschid vlt nochli gross sie. ergendwenn esch das nömm so relevant. Abgse vo allem wördi au wies de Timmey schriibt wirkli sicher sii met de bezihig welt enand halt immer gsesch ond kontakt hesch. wenns usenand wörd go esch au scheisse well de hesch bem sport emmer so erinnerige a das. was der de sport rächt chan versaue.

Fazit vo all dem. Wiiter beobachte ond usefende was er ond vorallem au du wotsch. Bisch no jong ond muesch die jo no ned grad festlegge.

Hoffe hed der au nochli gholfe😅

Grüessli

Helloo

aso schnäu wägem Rächtleche: ab 16 bisch ir Schwiz "sexuell mündig". Das heisst wenn beidi yverstande sy chöiter mache wasder wöijt. U vorhär isches glych öb beidi yverstande sy gsy oder nid, strafbar macht sech der Euter/di Euteri so oder so, wenn ds Auter meh aus 3 Jahr usenand isch (was ja bi öijch der Fau isch).

Drum isches sicher nid di dümmsti Idee bis denn z warte u glych findi - maannn weme verliebt isch söume sech doch nid mega dergäge wehre! Plus es git ja ganz viu anderi tolli Sach wome zäme cha mache wo nüt sexuells asech hei u das isch ja absolut ok und schön. Wägem Verein ja ds muesme sech geng bewusst sy wases für Uswürkige chönnt ha, aber i bi o der Meinig, dasme sech o mau nöijme darf dry gä u nid aues immer bis iz Hingerste söu düredänke. Wo blibt de da süsch der Spass =)

I würd hie so chly nachem credo ga: gueti Härz/Chopf Ballance!

Also i würd die 2 mönet eifach no abwarte. Ihr chönd eu jo glich witer treffe und alles und luege wies chunt. Ich denke bis den sind ihr/du eu au sicher obs richtige isch oder nöd.

und ich persönlich würd mer do glaub ned so gedanke mache wegem Verein. Wenns Liebi isch isches das☺️