Angst öppis z verlüre woni nie wieder cha ha
Zum ehrlich si bin ich sehr verzwiiflet. Ich, 18i, sit 4 Jahr depressiv. Ich weiss wie sich eh leeri afühlt und ich weiss au wie sich ellei si afühlt. Ich weiss wie sichs afühlt wemmer jede Tag denlt mer isch nöd gnueg guet und sich solang fertig macht bis mer brüellend im Bett liegt. Aber was ich nöd kenn isch das Gfühl i mir inne. Vor es paar Wuche han ich bimene Kolleg gwohnt und mier hend mehrmals mitenand gschlafe und au suscht mega guet mitenand gha.. und denn bin ich uszoge und sit det zerrisst mers fash s herz wenn ich sin Name ghöre. Ich lieb ihn ned, tumindest ned eso wie ich vorherigi Partner gliebt han.. Es isch eifach so schön gsi mit ihm, unkompliziert und eifach öppis wo nur er und ich gwüsst hend... doch jetzt getrau ich mich nöd emal meh ihm z schribe geschweige denn ihn z gseh.. es tuet so weh und ich weiss nüm was mache
Ich hoffe ihr chönd mir helfe.. Danke schomal im Vorrus :)
Antworten
Antwort
Hallo, es tönt chli speziell, also ich müesst vill Gegefrage stelle :D
Zum einte wegem depressiv sit 4 Jahr, isch das öppis, wo die Situation mit ihm beiflusst, oder wieso hesch das da gschribe?
Ich kenns halt nur so, dass ich gern ah öppert denkt han. Also eh Frau. Und ich han ghofft es chönt öppis werde. Woni denn nach langer Ziit mich getraut han isch halt d'Abfuhr cho. Het wehtah und vill isch zämegheit, aber hets rückblickend doch brucht. Well sie nüt für mich empfunde het.
Ich weiss jetzt halt nöd. Wies bi dir isch. Du seisch es isch unkompliziert mit ihm. Aber chasch ihm nöd schribe? Denn isch ja doch öppis plötzlich "kompliziert" worde... Also ihr gsehnd eu nöme und er suecht kei Kontakt zu dir?
Wend meh schribe möchtsch oder antworte, chasch ja au mir antworte, ussert du möchtsch gern da direkt antworte, isch beides guet : )
Antwort
Versuch dich einersitz uf die positive Sache zKonzentriere. Anstatt dir vorzwerfe was du alles ned chasch fokusiersch di vlt mol uf das wo du gut chasch!
Das wäge dim Kolleg isch sicher öppis wo dir chraft gid.. Ich dänke du müsstisch sicher mol met hm rede, schlussändlich gods ihm jo vlt sogar ähnlich wie dir. Wenn du dich trausch ihm zschriebe und dich vlt eifach mol uf ehn Kaffi triffsch, oder so, chönted er euch mol chli usrede wies euch god. einsersitz wies euch persönlich so god und wies dir met de situation zwüsche dir un ihm god.. good luck🍀😘
Antwort
Also ich hans gshribe will er das weiss und er mich immer mega unterstützt het und wo ich bi ihm gwohnt han ischsmer viel besser gange :)
ja das ischs problem.. ich verstah nöd wieso dases plötzlich so kompliziert worde isch. Irgendöppis isch wohl unbewusst passiert. S Problem isch das er en Mensch isch wo nie am Handy isch und so guet wie nie zrugschribt und ich halt nurno meh panik han wenn denn 1-2 wuche kei antwort chunnt..
Ab und zue gsemmer eus no, aber Kontakt hemmer so guet wie kei meh
Kommentare
Kommentar
Das freut mich sehr für dich!
Meinsch er het öpper känneglernt? oder händr euch distanzierte dur das dass du uszoge bische..? Ja das machts nid eifacher, aber vlt chöntisch ihm jo au mol ahlüte oder verbi go?
vlilicht chasch de Kontakt so weder ufläbe loh, blieb eifach witerhin offe und loh ihm vlt au die zit wo er brucht zum antworte.