Wie chan mer denn helfe, dass du dich meh gspürsch? oder wie meinsch gnau "dich spüre"?

ADHS-Coaching? 😬

Ich fänds guet, wenn du mit diner Fründin würdsch Regle abmache. Ihr chönned au es eifachs Zeiche oder es Codewort abmache, mit dem sie dir chan zeige, dass du grad e Gränze überschrittisch. Du chasch ds gliche au mit dine Eltere und Gschwüster mache, wenn du würkli wettsch üebe andri nid "züberfahre". Bi de Regle isch wichtig, dass ihr sie konkret fomuliered und überlegged, was du denn stattdesse söllsch mache. Mr nennt das "Wenn-Dann-Sätz", die sind zimli hilfrich. Usserdäm isch es ganz wichtig, dass dini Fründin sälber für sich luegt und du das nid au no muesch mache. Das heisst, dass sie dir mues chönne kommuniziere, wenn ihre öpis zvill wird. Falls ihre das schwer fallt, channs au für sie e Hilf sii, wenn ihr es Zeiche oder es Codewort abmached, nid nur für dich. Es git ihre quasi ds Rächt dich zunterbräche und e Möglichkeit das uf e nid verletzendi Art zmache. Uf jede Fall mues sie das lerne - und zwar bevors ihre eso zvill isch, dass es Strit git. Ich nimm aa, dass sie weiss, dass du in dere Hisicht es Problem hesch und "nüt drfür chasch" (was aber nid heisst, dass du nüt drgäge mache chasch). Versuech ihre zhälfe, dich zverstoh.

Aber ebe, wenn das au no in andere Bereich es Problem isch, denn chasch das mit eme Coaching oder ere Verhaltenstherapie ago. Dört chasch üebe, wasd in so Situatione chasch mache.