Hoi zäme,

i ha vor ungfähr es meitli kenne glehrt woni ha gwüsst sie isch für mi anderst als alli andere. mir hend üs nachere ziit verliebt sind aber nie zäme cho.. bi sehr entüscht gsi, will i nüt anders ha welle user sie.. gründ defür sind gsi sie isch sich halt doch nie sicher gsi ob sie das will, sie isch vo witer her cho für nur 2 johr. und de isch sie wieder gange nach 2 johr..

mir hend üs total us de auge verlore, sind verschiedeni wäg gange und hend au beidi ersti erfahrige i sache liebi gmacht. und de plötzlich hemer eus per zuefall (oder i frog mi isches schicksal gsi) wieder regelmässig gschriebe und de isch de punkt cho wo mer eus nach 6 johr wieder mol hen troffe.. (sie grad heicho vo 2 johr im usland) so es gfühl öper zumarme hani selte gha und de hemer eus lang unterhalte über alles was gsi isch usw. und für mi isch sofort klar gsi, sie isch immerno genau die person woni gern würd ah mire site ha. i weiss aber das sie überhaupt nid so gedanke het, also simer nid uf de glich stufe. i has es gfühl entwicklet nur dür eis treffe und viel kontakt wo mir seit es chönt die sie wo smami vo mine chinder isch. nur hani jetzt halt total schiss wili ned weiss wie mit dem gfühl umgo (das hani zerste mol).. kennt das gfühl öper wenn dir eh person kennit wo sgfühl hesch das es sie/er fürs läbe isch..

i hät mer gwünscht mer würde üs meh träffe und es würd sich öpis entwickle aber mittlerwile isch sie wieder uf unbestimmti zit verreist.. das machts mir persönlich ou nid grad eifacher. i bi so rat- und lustlos..

hoffe dir chöit euch us dem irgendes bild mache.. wenn nid frogit oder schriebit mir.