Hoi zäme :)

I mach zur Ziit e Usbildig. I ha e super Klass und am Afang hend sich alli super guet verstande. Mittlerwile hend sich Grüppli bildet. Ich has vo anfang a mit einere Klassekameradin super guet gha, ich nenn sie Saskia. Ca. 1.5 Johr hend mir zeme Sache unternoh, sind zeme as Openair, Partys, Usgang, etc. Mir hend üs alles avertraut, Beziehigsproblem, Stress, undsowiiter.. Irgendwenn hett sich us üsem 2-er Grüppli, e 3-er Grüppli ergeh. E super netts Girl hett sich üs agschlosse. Vo dett aa hemmer viel zu dritt undernoh. Aber irgendwenn hett sich dSaskia extrem vo mir distanziert. Mir hend nüme viel zeme unternoh. Sie hett oft das andere Girl i üsere Gruppe gfroget, ob sie Lust hegi was zunterneh. Mich hends wie usgschlosse. Das andere Girl ish de Saskia immer hinenoh grennt und ish immer i de Pause dett ane, wo sii grad gsi ish. Saskia hett en sehr dominante Charakter, was ich a ihre immer sehr möge ha. Doch mittlerwiile nervt mich ihr Verhalte nur no. I ha sGfühl sie will, dass sie im Mittelpunkt stoht und dass me ihre hinderherrennt. Uf da han i kei Lust. I ha sogar sGfühl dass sie mit dem andere Mädel über mi lästeret. I find, dass i da nöd nötig ha und verbring dPausene vermehrt mit de anderne Girls i minere Klass. I finds eifach mega schad, das mir üs so usenander glebt hend. I bi en sehr offene, selbstbewusste und lebensfröhliche Mensch, mit mir chames immer lustig ha. Usserdem han ichs oft mit mehrere Lüüt guet und liebs inere grosse Gmeinschaft zsii, drum tuet mir das so weh, wenn ich merk dass ich usgschlosse werd. Hett öpper sho ähnlichi Erfahrige gmacht?