< Zurück zur Übersicht
(Seite 1 von 1)

Eh gueti Kollegin het eh Essstörig... Wie gahn ich demit um?

Lisa
Geburtsjahr
1999
Geschlecht
weiblich
Tätigkeit
Student

Hoi Zemme

Sit längerem het e sehr engi Kollegin vo mir mega Problem mitem Esse. Zersch het si nüt me gesse. Denn het sie wieder agfange me esse womi natürli mega gfreut het.

Jetzt sit es paar Wuche isch sie ine "anderi" Esstörig inegrutscht.... und zwar Bulimie. Sie het Fressattackene und lohts denn aber bald wieder use. Sie weiss, dass sie chrank isch und suecht au professionelle Hilf. Aber i merk sit sie mir da gseit het dases mi eso belaschtet. I han Angscht um si, will sie sich so mu quäle und immer me will abneh. Es isch ja eigentli super dass sies igseht und au Hilf suecht und i will au für sie do si, aber glichzitig machi mir eso Sorge, dass sie irgendwenn ufgit.

I bi hi und her grisse, will ufe Art will ich nöd, dass sie ellei do dure mu go aber glichzitig zieht siem ich wie au mit ines Loch. I mein Hützutag isches doch so schwer öpert zfinde, wo eim immer a de Site isch. Egal was. I möchti nöd, dass sie sich irgdendwie verrote und ellei fühlt.

Het öpert vo eu en Rot wie ich demit chan am beschte umgo? Sind ihr schomol ine Situation gsi, wo ihr öpert dur eso e schweri Zit hend mese begleite? Oder wa würed ihr vonere Kollegin erwarte, wenn ihr so eh Störig hetet/hend?

I bedanke mich für jedi Antwort :)

Lg Lisa

Antworten

Antworten sortieren

Antwort

barbieyaeger
Geburtsjahr
1998
Geschlecht
weiblich
Tätigkeit
-

hey lisa :)

bin selber inere bulimie gsi & cha dir sege, das es mir gholfe het zeme mit mine kollegine esse.. & das sie mich vor fressattackene fern ghalte hend & mit chline portione agfange hend..

sie hend mit mir kochet oder mir epis backet/kochet was ich gern mag & mir sone freud bereitet demit das ich es han WELLE esse und han WELLE dine phalte, weil ich gwüsst han das chunt vo herze & sie micj mit allem wo sie chönd unterstützet :))

maybe hilfts dir echli :))

lgemma