Es ist kompliziert
Hallo zäme
Ech ha metere kollegin es sehr guets Verhältnis, sprich mer mached emmer weder mal öppis zäme ond mer chönd öber alli mögliche theme ohni hemmige rede, eigentlich fast wie besti kollege. Mer beweget eus uf glicher wellelängi ond eusi interesse send sehr ähnlich. D sach esch dass ech gfühl för sie entwicklet han ond sie scho druuf agsproche han. Sie hed dezue gmeint dass sie en fröndschaftlichi beziehig eher bevorzugt als en partnerbeziehig well sie (no) kei gfühl hed för mech. Ech ha ere entscheid zwar akzeptiert, jedoch laht mech das im innere eifach ned in rueh ond drom möcht ech sie no einisch druuf aspreche zom ere werkli klarzstelle dass d gfühl echt send ond ech ned eifach uf en ,,figgbeziehig" us will. Sie esch die ersti Frau woni mini liebi eso offebart han ond wär au mini ersti beziehig. Doch well ech en sehr schüche mensch bin frag ech um paar ratschläg demits mer eifacher gaht ere werkli z säge was mer liit.
Momentan eschs eso dass die fröndschaft ned umbedingt das esch woni mer wönsche well zur ziit ben ech die person wo ere schriibt, sie antwortet mer aber vo ere chonnt söscht wenns um öppis mache gaht eifach nüt (ond das macht mer doch au eso wenn mer gueti kollege send).
Chan mer öpper echt en tipp gäh wie ech ere das am beste chan öbermittle oder säge ob das öberhaupt no wörd wörd sinn mache?
Danke vellmal
Antworten
Antwort
Bro du bisch entweder i ihrere friendzone oder hesch sie abgschreckt mit dem. Und falls es scho sit am ahfang so isch dass vo ihre mit abmache nüt chunnt nimis zrugg. Aber vlt bisch halt würkli ned ihre typ. Wenns 100% wüsse wetsch red klartext mit ihre. Schüch sie kenn ich vo mir aber es hilft der ned wiiter i dem thema. Chum us dir use und red mit ihre drüber.
wünsch der vill glück
Antwort
...vo ere chonnt söscht wenns um öppis mache gaht eifach nüt (ond das macht mer doch au eso wenn mer gueti kollege send).
Ich verstah nöd ganz, was du meisch mit dem. Wenn mer doch gueti Kollege wär, würet doch beidi ab und zue vo sich us fröge, öb mer öppis mache möcht, und nöd immer die glich Person, oder nöd?
Bi mir isch es zwar au so, dass niemert vo sich us öppis jemals mit mir mache möcht. Zumindest fast nie. Ich bin de wo zerst schribt und nöd mal immer eh Antwort überchunt. Au nöd vo vermeintliche Kollege.
Und no dim Problem. Ich denke sie möcht eifach nöd meh als Fründschaft. Eventuell machsch d'Fründschaft kaputt, wend z'vill ihre seisch, dass du meh möchtsch. Drum wür ich höchschtens no 1 mal fröge, und nachher probiere sich demit abz'finde. Immerhin hesch so eh gueti Kollegin wie sie! : )