Salüü

Aso so wie ich das verstande ha, kenned ier üch eingendlich no garned (faschd ned).

ich würd mal abwarte was usechund bi üchem nechschde Träffe und denn mid ihm alles bespräche.

Es isch ja klaar dass ier ned wüssed über was schribe, wenn ier üch noni so gued kenned.

Am beschde fragsch ihn mal chli us...

(aber ned übertribe)

wäg de Färnbeziehig.

ich ha zwar no keini gha abwr ich dänke dass isch bi jedem unterschidlich. Mer muss eifach offe si und anenand vertraue...

Aber wie und wo ier das wend mache münd ier sälber wüsse.

hoffe es hed dier vl chli ghulfe

👌🏼

Hellö :)

ech be im Februar genau ide gliche situation gsi wie du ! ech ha ehn do ide schwiz kenneglert ond en tag spöter esch er weder zrogg greisd uf amsterdam. nochhär hemmr au jede tag gschrebe und au agfange telefoniere ond ech be denn im April uf amsterdam ehn go bsueche. Es esch mega toll gsi unnd de absched esch au zemli schwär gsi. Aber ech ha vo afang ah emmr es guets gfühl gha met ehm ond mer schribid bes höt eigentlech jede tag. mängisch au weder ganz banali sache wie halt "was hesch höt so gmacht", aber es zeigt eifach dass mer üs gägesitig vörenand interessierit ond kömmerid. er hed sech jetz au extra ferie gno wenn ech ferie ha ond denn chond er mech 2 woche cho bsueche :) es esch scho schwär mängisch, dass mer sech halt ned cha nöch sie, aber es machts weder besser wenn mer cha metenand ehrlich dröber rede, ond merkt dass es im andere au öppe glich god. Ech be zwar emmr die erst gsi, wo gseid hed Fernbeziehige chönd gar ned funktioniere ond send scheisse hahah :D Aber ech gseh das jetzt echli andersch. wenn mer sech scho ide Färni kennelehrt denn esch au weniger schwerig ide färni zämezblibe.

Wie blöds au dönt haha aber mer hend als wetz met "the test" agfanfe das geds uf Facebook ond det wärdid eim halt froge gstellt wo mer nie wörd druf cho zfroge ond so lehrt mer wörklech no sache öberenand ond hed au vell zlache.

Stress dech eifach ned zfest, lueg was passiert wenn är zu der chond. Merksch de schnell obs passt oder ned. ond en färnbeziehig entstohd eifach, also loh dem ganze nochli ziit. Wenn du merksch dass es nüt vör dech esch denn seisch es eifach. ond wenn du glöcklech besch met de situation, wie echs lostigerwis au grad be, denn gniess es eifach :)

liebi grüessli :)

Hallo

ich füer sit 2 jahr e Fernbeziig mit emne dürsche. Mer hemd üs über psn (game) kenneglernt. Zerscht hemmer üs nume über de gamechat unterhalte und das über mehreri monate und so jede tag greder. Irgendwenn hemmer denn mal üsi ware näme priis geh und über fb mitenand gschribe und spöter den au über wapp. Meischtens sinds belanglosi sache gsi wie zb wie de tag gsi isch oder was mer bim schaffe hend mir esse mache zum teil aber au phylosoohische quatsch oder üses denke übed welt. Üses erste treffe hemmer über langi ziit hinweg planet gha. Fascht es halbs jahr lang aber fascht jede tag hemmer üs d frag gstellt wemmer das würklich? Als ersts isch natürlich de altersunterschied gsi... ich bin 19 gsi und er 25, und ich han ellei gwont. Aber mer sind üs bis hüt zu hundert Prozent sicher das es das ganze risiko wert gsi isch. Mer hemd scho vorem erste treffe gfühl fürenand entwickelt welli sich mit jedem treffe versterkt hend. Weg de dischtanz zwüsched üs hemmer am Anfang halt nur e körperliche Beziehung gfüert (offiziell gseh, isch aber wenmers gnau betrachtet scho e ricjtigi bezihig gsi) welli den uf mis dränge hi offiziell e Beziehung worde isch. Am afang hemmer üs nume 1mal pro monet gseh umd mit de ziit isch es immer hüfiger worde so das mir üs jetzt jedes wuchenend gsehd. Und jetzt simmer au üsu gmeinsami zuekumft am plane und er wird zu mir id schwiiz zügle sobald er da e stell findet.

S schwere anere Fernbezihig isch halts vertraue in gegeüber. Es isch schwär und brucht sehr vill muet aber au Geduld. Wenn ihr beidi dezue offe sind unds wage wend wärdet ihr scho e lösig funde, müend aber au vill kompromiss igah.

und wen am ändi d Beziehung doch scheiteret hesch für dini Enkelkind immerno e gueti gschicht us dere si lerne chönd 😉