< Zurück zur Übersicht
(Seite 1 von 1)

Freund folgt Exfreundin und deren Freunde/Familie auf Instagram

fabiceli
Geburtsjahr
2001
Geschlecht
weiblich
Tätigkeit
Studentin ab Januar

Heiii aso min Fründ folgt halt immerno sinere Ex und all ihrne Kollege und Verwandte uf Instagram. I ha ihm au scho mol gseit dass i das nid verstoh chan, will i het sie blockiert und dene allne entfolgt. Iwie muess sie ihm ja denn glich no uf e Art wichtig sie oder nid? aber i weiss eig scho dass er nur mich liebt :/ trotzdem het das dezue gführt dass i sie eig täglich mehrmols stalke uf allne social media i wet demit ufhöre aber weiss nid wie :( eig vertrau i ihm scho aber i han au eif Angscht dass sie iwenn wieder was vo ihm will😔

Antworten

Antworten sortieren

Antwort

Wunderfee
Geburtsjahr
2001
Geschlecht
weiblich
Tätigkeit
Fachfrau Gesundheit in Ausbild

Hallo du

Ich chan dich verstah.... aber i dem punkt würd ich dim fründ mal eifach vertraue egal wie schwer es isch. Ich han mim ex sehr lang vertraut und es isch immer guet gange er isch sogar am schluss mit kollegine und sinere ex in usgang und es het mi nie gstört will ich gwüsst han er wet nüd vo de anderen. Red mal mit ihm drpber was es für gfühl für dich uslöst....

Meld di doch mal

Antwort

Aura
Geburtsjahr
1997
Geschlecht
weiblich
Tätigkeit
Designerin

Heei mach der ke Sorge drüber, daser dene aune no fougt. Männer näme das ganze Social Media aube weniger ärnst u hei no jahrelang Sache, wo mir Froue scho lang hätte ussortiert. Ih cha verstah, dass Angst hesch, dass sini Ex wider öpis vo ihm würd weue (weus haut Froue git wo richtigi Biester chöi si) aber du seisch, du weisch daser nume di liebt und dass du ihm vertrousch auso paut das bi u versuech die Anderi uszblände. Wär si die Richtigi für ihn gsi, wäre si immer no zämmä, aber er wot iz schliesslech mit dir zämme si u dir sini Liebi schänke.

Fauses dir so nid längt, cha es Gspräch, ihdäm ihm diner Gfühl betreffend däm Thema mitteilsch, sicher guet häufe.

Antwort

maseca
Geburtsjahr
1998
Geschlecht
männlich
Tätigkeit
Polygraf

So blöd und eifach das jetzt tönt, aber wenn du die Ex-Fründin nöme stalke möchtsch, chasch du sie doch eifach blockiere, well denn chasch du sie ja au nöme ahluege. Je nachdem fallt dir das schwer, well ja doch villicht "gern" sie usspioniersch, aber wenns dir nöd guet tuet, wür ich sie eifach blockiere.