Hm ja... Bi mir isch es au so, dass wenni akut Hilf bruche au oft niemerds ume isch. Käine nimmt ds Telefon ab, es lütet au praktisch nie öper zrugg obwohli echt nie ohni guete Grund eifach alüte und ich krieg au meistens erst spot e Antwort uf mini WhatsApp - meistens hets sich bis denn scho halb erledigt. Aber grundsätzlich wäred mini Fründe gläbs scho für mich da wenni Hilf bruche, es het eifach normalerwiis e zimlichi Ziitverzögerig drin und das isch zimlich trurig, das findi au. Was mr aber no meh fählt, isch dass sie da sind, wenn ich ihri Hilf nid bruche und alles glatt lauft - denn hani irgendwie no weniger Lüüt wo sich für mich interessiered. Und die gliche Frage wie du David hani mr au scho mängisch gstellt: Bin ich so langwilig oder schlächt oder doof, dass käine mit mir wett Ziit verbringe? Oder bin ich eifach nid gnueg wichtig? Ersteres glaubi nid, will sunst würds doch au keine interessiere, wenns mr schlächt goht und mir händs jo guet mitenand. Denn muess es halt irgendwie am Wichtigsii ligge - do frogi mi, wasi falsch mache oder wie ich do dra öpis ändere chönnt. Aber mir isch au no käi Lösig igfalle leider... Was ich dir eifach chan mitgä isch: Wenn du gueti Fründe wettsch, denn bis zerst sälber en guete Fründ. Das heisst konkret: Machs anders als sie. Bis du do, wenn öper dich um Hilf bittet. Lüt du zrugg, wenn öper öpis vo dr wött. Und velicht chasch es bi dine beste Kollege jo au mol aspräche, dass dich das verletzt. Oder nochefroge, was du velicht chönntsch ändere. Chunnt aber mega ufd Kumpels druf aa, ob das goht - ihr Männer sind do immer es bitzli kompliziert. 😋