Hei, du bisch doch erst 20 - das isch jo no käs Alter! Mach dr doch kän Stress...

Es Hobby eignet sich natürlich hervorragend zum ganz ungezwunge nöii Lüt kennezlerne. Das funktioniert bi Fraue gnauso wie bi Männer. Wenn du schüch bisch, denn nimmsch am Beste en Kolleg mit. Zäme öpis unternä macht sowieso mehr Spass und usserdäm chönned ihr öich gägesitig motiviere. Velicht hesch jo bereits en Kolleg mit eme Hobby wo di würd interessiere. Natürli wärs guet, wenns nid Herrefuessball oder sowas isch, will normalerwis hets dört enter wenig Fraue. Allerdings bestoht sogar dört d Möglichkeit ame Match welchi kennezlerne. Ansunste isch natürlich au Usgang e Option, egal ob in Clubs, im Park oder binere Homeparty, nöii Lüüt cha mr an allne Ort kennelerne. In de meiste Ortschafte gits au e Jugendarbeit, wos en Jugendruum het und teilwis au no zuesätzlichi Aktivitäte abote wärded, dört chasch au rächt unkompliziert Lüüt kennelerne.

Was no wichtig isch: Lern die Fraue wod sympathisch findsch eifach mol kenne. Es git nüt unattraktivers als en Maa wo verzwiiflet e Frau suecht. Das wirkt echt abschreckend. Han das leider au scho erläbt. Nur nüt überstürze! Du hesch zwar velicht nid alli Ziit vor Wält, aber doch gnueg zums langsam ago.

Hey meld dich mal denn chönnti helfe evtl.