Fründschaft
Hallo Zäme :)
Ha mi grad ersch agmolde und bi eigentli uf de Suechi nochere gueti Fründschaft will mir das so ziemli fehlt im Lebe.
Grad wili am afang chli schüch bi hets nie würkli klapped, debi hetti gern e gueti Person zum chöne rede, Freiziit verbringe und "eifach ich" sii chönne :)
Bi au öpper wo guet zuelose cha und eigentli immer Ziit het wenn öppis wär!
Wür mi so freue wenn sich öpper melde wür wo sich au chli usgrenzt fühlt oder eifach öpper brucht zum rede!
Schöne Obig no ☺️
Antworten
Antwort
HOI
Das mitem schüch si kenni. Würd mi au freue in Kontakt z cho, rede, zuelose ...Weis nid genau was schribe no. I han dr e Fründschaftsafrog gschickt.
Wünsch dr en agnähme Tag
Antwort
Hoi
Ech ha grad dini Nachricht gläse ond cha der so nache fühle
Was send so dini hobbys?
lg
Antwort
Hallo Ella
Ich wohne und schaffe in Züri, nebebi studier ich no bruefsbegleitend. Bin uf die Website gstosse um eifach neui Bekanntschafte zschlüsse. Öpper womer eifach mal am abig chan zäme was go trinke/esse, zäme go Jogge oder was au immer grad so ahstaht. Eh Beziehig hani scho, umso mehr suechi da eifach tolli Bekanntschafte zum eh gueti Zit ha.
LG Thomas
Antwort
Hoi Ella
Ja das kenni sehr guet. Und goht mer derzit grad glich. Wenn mol zit hesch den mäld di doch eifach. Finde sicher ergend e möglechkeit zum i Kontakt zcho.
Antwort
Hey :)
I be au eher en introvertierte mönsch ond sueche au nach neue fröndschafte. am liebste au lüt, met dene mer ab ond zue öbis cha onterneh ond gueti gspröch cha füehre :)
wörd mi mega freue, wennd di wörsch mälde ☺️
Antwort
Hey hettisch luscht zum schriebe und kennelerne, mir gahts genau gliich wie dir ;)
Antwort
Hoi Ella 👊 ja so bin ich au ... chasch mier gern schriebe wenn bock hesch