Und zwar isch es so, dass mini 2.5-Jährig Beziehig droht usenand z gheie. Ich han vor de Beziehig scho wenig Kollege gha und mich etz ned so mega drum kümmeret neui Lüt kennezlerne. Ufjedefall hani etz so ziemlich niemert meh und min Fründ belaschtets extrem. Ich bin emotional Abhängig vo ihm und bedränge ihn mega mit dem. Er hed s Gfühl dass er immer zerst uf mich muess luege und das es ihm guet gaht. Aber er will natürlich en Frau wo ihre Läbe im Griff hed und ihri Problem selber chan löse & au under de Wuche mal öppis mit Kolleginne macht.

Mier versuechets etz irgendwie das ganze wieder ih die Richtig Bahn z lenke, aber das wird gar ned eifach für mich. Ich will de Mah würklich ned verlüre. Er bedütet mier so viel..

Es wäri mega cool weni neui Bekanntschafte chönnt mache usem Ruum Luzern.