Hey grad de Post gseh und jz hani mir e account gmacht.

Ich ka di sehr guet verstoh bi au 20ig und fühl mi glich.. naja hängs nid grad mit 50johrige aber au eher älter und amigs hanis mit denne au am beste. Ich find das isch völlig normal. vorallem in unserem alter wo d spanni grad so wtt usenander goht v erwachse werde uf eiene Bei stoh etc. gitts halt die wo nonig parat sind und die wos scho sind.

Tönd blöd aber mach dir kei stress wirdsch sie scho no finde :)

Hey :)

Wo ich din Biitrag glese han, het mich das zimmli überrascht, wil gfühlti 90 % devo bi mir genau so sind, aber ich ned denkt hett, dass es andere au so gaht. Bi de Fründe gaht s mir zimmli wie dir: Klar han i paar im gliiche Alter, aber die engste sind scho öppe 10 Jaht älter. Und ehrlich gseit bin i allgemein lieber ih Gsellschaft vo dettige us minere Eltere- und Grosselteregeneration, wil s für mich vill eifacher und ahgnehmer isch, mit dene z rede; wil eifach chli Smalltalk und Sprüch riisse liit mir ned, das chan i praktisch ned und han s Gfühl, je jünger d Lüt sind, desto weniger ernsthaft und tüfgründig chan mer mit ihne rede... Und ja, mit de Beziehige isch s au so e Sach, han au scho einigi Dates gha, aber e richtigi Beziehig isch da drus nie entstande... Das mit „Es chunnt mit de Ziit“ ghör i au immer und säg s mer mittlerwiile au selber.

Was ich dir für Tipps wür geh, wil s für mich so irgendwie eifacher isch: Versuech ned aktiv z sueche, sondern dir meh guets für dich z tue, zum zfriedener mit dir selber zsih, wil das isch wichtiger. Aktiv sueche chan au ahstrengend, frustrierend und ohni Ergebnis sih. Versuech, s Singlelebe z gnüsse, aber offe zsih, wenn dir eini gfallt und sich öppis ergit. Und „öppis“ muss au ned gad die gross Liebi und e festi Beziehig siih (wär natürli de Idealfall), mer chan sich au eifach mal chli date und luege, was usechunnt, oder im Usgang oder ih de Ferie chli Spass ha, als Single isch das voll okay! Und zum Küsse: Tönt wahrschinli blöd, sorry, aber en Kuss chan super siih, au wenn mer ned verliebt isch, es chan au eifach Spass mache! Aber zu dim eigene Schutz vor em verletzt werde: Denk immer dra, dass en Kuss oder au Sex für vill no ned meh als chli Spass bedütet, drum wür i zum Selbstschutz au denn no skeptisch bliibe, abwarte, wie s sich vo beidne Siite her entwicklet und zum richtige Ziitpunkt fröge, was das wo ihr hend für die ander bedütet und was sie eigentli wett. Z früeh und/oder im falsche Moment isch gar ned guet, wil so han i au scho en Korb kassiert, das wünsch i der ned... Aber ich wür dir empfehle, dich demfall eher mit (vill) ältere (öb jetz tatsächlich oder nur vo de Riifi her) z treffe und luege, wie du Gliichgsinnti am ehnste chasch treffe, z. B. bi Hobbys, Ort, Gruppe oder so wo dir entspreched.

Hoff, das hilft dir chli und motiviert und munteret dich chli uf :) Und ebe, versuech dir kein Stress und Zwang z mache, gönn dir lieber meh für dich und gnüss d Freiheit, es ergit sich sicher denn mal no öppis schöns für dich! :)

Hey :)

Ich sag zu dinere Lag, du hesch eifach nonig die Richtig gfunde es giit irgendwo sicher eini wo gnueg riif isch für dich und wos harmoniere wird.

Ich ha au e kollegin die suecht e maa wo gnueg riif isch villicht bisch du jo dä😅

Hey :)

also ich weiss ned ob ich mich echt so fühl wie du. Aber mir wird au viel gseit das ich eher älter bin für mis alter und rifer. Ich chan au guet mit ältere Lüt rede und verbring au mini zit gern mit dene, aber grundsätzlich scho lieber mit lüt ih mim alter.

wenns aber um Beziehig gaht glaub ich scho au das es es Problem isch do eifach viel ih üsem alter (vor allem Männer) eifach nur de Spass sueched und ich sgfühl han die müend eifach iwie no chli alles mögliche probiere und erlebe. Evtl isches au das wo du meinsch, das halt eifach scho parat bisch für was ernsts und dini Kollege halt eifach noned sowit sind.

aber i denke es isch wichtig dases würkli ned suechsch vor allem wills eso meistens eifach nöd findsch, do ich echli us erfahrig rede. Ich glaube fest dra das mir für öppert gmacht sind nur gohts bi de einte chli länger bis me dere Person über de Weg lauft...

Ich fühl dich bro... han gelinde gseit en zemmli abgefuckti chindheit ghaa und darum jz au sehr selbständig underwegs. Bi de partnersuechi isch das echt nid liecht.. mini partner(inne) wo ich bis jz gha han sind im schnitt alli ca 8-9 jahr älter gseh. Dadurch hend sie mich au nur zögernlich (wenn überhaupt) de kollege oder eltere vorgstellt und somit hend die sache au nie sehr lang ghebt. Loh dich ned uf sowas ih. Am schluss bisches du wo liidet.

Wär mega cool wennmer da chli cooli tipps chönnt finde :) bin ned de typ zum zlang alleige sie... han immer welle en funktionierendi beziehig füehre und mir selber zeige das das au chan goh und ich us dem muster wo mini family zeichned usbreche chan ^^

heyy :D

ich bin au 20gi & anere ähnliche stell wie du & muess der sege : alles zu siner ziit, was naned sie seri, set eig naned si

Solang me die Person wome sich wünscht no nid het, dünkts mi ischme irgendwie immer unruehig uf dr Suechi. Da chöi eim aui no so immer säge, es chunnt de scho u me cha sichs au säuber säge aber me isch haut nie ganz z friede. Ds chani vou verstah! Lustig isch när, weme de öpper gfunge het wo de Vorstellig entspricht, dasme ufs mau sehr guet versteit, was de die angere immer gmeint hei mit me muess eifach abwarte u die Person chunnt de scho ufs mau... Wüu die Person nämlich würklech ufs mau mega unverhofft chunnt. ömu bi mir isches so gsi.

U wäg dr riifi. Lug mau wievieu Lüt im ähnliche Auter dir i relativ churzer Zit gschriebe hei und sich mit dir sehr verbunde füehle. Auso würd ig säge es git lüt wo rein vor riifi här u vom auter här glich si wie du. U unger au dene riife Lüt gits ganz bestimmt au öpper für di. Hehe iz isch nur d Frag wo die Person isch he!?

Was i au no sehr interessant finge isch, dass mi Fründ eig i au dene Sache woni mir überleit ha winer söt si genau so isch... Aus hättis z Universum wöue, stimme die Sache eifach. Drum würdi dir vorschlah, ds du dir überleisch was du de genau für ne Person wetsch, wie die söu si, weli Themeberiche für di wichtig si, wo dir ähnlichkeite söuet ha und und und.. u steu dir vor wie ds isch, wenn de die Person da isch, wie de ds när äbe chönnt si und wie sich ds söu afüehle... und i glaub denn ufs mau steit de die Person au eifach vor dir... PS: villich cha di i däm Berich au z Buech: The Secret oder au dr Fium (S geit drum wime erreicht wasme wot) auch chli inspiriere...

Vieu Spass u wis angeri au scho gseit hei, gniess d Zit glich, au grad d Single zit und gönn dir Zit für di, schaf a dir u häb di säuber gärn, wüu de chöi di angeri au gärn ha!

ich denke lüt wie du sind da zum anderi uf sache ufmerksam mache wosi vilich noni begrife oder ned nahvollzie chön will si eifach das lebe ned kenned. lüt wie du sind da zum anderi inspiriere oder es statement setzte. ich denk sisch wichtig das me au wemme i gwüssne pünkt ich nimm vorallem a im soziale lebe/ üsre gsellschaft scho witer isch durch sini vergangeheit set me gnueg offe sie au uf lüt zue ga wome am afang zgfül hesch sind ned uf de gliche welle lengi wie du. me brucht me geduld. me nervt sich mengisch dra dases die andere irgendwie ned au so denked und irgendwie mussme das aml eifach wegsteke au wens mega schwer isch und me sich amel au mega elei fühlt eso. ich weis ned vilich hanichs au voll falsch troffe aber ich ha din post glese und hans so guet chöne navollzie will au weni no zwei jahr jünger bin ide genau gliche situation bi.

din post het mer ez aber irgendwie zeigt dases nome lüt git wo das "problem hend" au wens mir vorher scho klar gsi isch hets das gad nomal verdütliched ..merci für de(;