Kä Fründe meh!
Hallo zämä, ich bin neu hie im Forum, und möcht mi deshalb zerst emal churz vorstelle!
Ich heisse Jannik bin 23i fahre Lastwage und Töff und sit churzen leider trennt nach 4 Jahr.
Nach de Trännig hani leider müessä uszieh und bin eso i kanton Schwyz cho! Jetzt hani kä ahnig was afangä da i überhaupt niemer kenne!
Au trännig lad mi noni chalt und deshalb bini im moment halt doch sehr einsam für mich(leider)
Uf dem weg suechä ich nach neuä Kolegge oder kolegginä womer über alles chan rede, es aber au richtig luschtig chan ha!
Wör mi über dini nachricht freuä;)
Antworten
Antwort
Hoi Jannik
Ich han mal es ähnlichs Problem gha. Vor eme Jahr bini vo dehei uszoge, ines anders Dorf, ca. Stund weg vo mim Alte. Am Afang hani au niemert kennt, da wird mer huere schnell einsam, das isch so. Ich han denn agfange in Badmington Club ga ide Nächi, bin mit dene später a Dorffester gange, neui Lüüt kenne glernt usw.
Aso ich würd der empfehle, es Hobby ide Nächi z sueche, sodass chli unter Lüüt chunsch. Und für d trennig viellicht mal mit eme Psycholog rede? Oder wenns ushaltbar isch abwarte. Die Zeit heilt Wunden :)
Antwort
Hey Jannik!
Ig ha ou eh trennig hinger mir und wohne iz ou imene andere Kanton. Verstah auso dini Situation mega, steit plötzlech aues ufem Chopf..
Lueg doch mal uf d Site sozialkontakt.ch, derte chame im Umkreis Inserat vo Lüt finde wo gärn öpis wei ungerne. Ha vo dert iz scho chönne neui Kontäkt mache und eh gueti Fründin gwunne.
Ig wünsche der ganz viu Chraft ih dere Zyt! 🍀
Antwort
Hey, ich han es ähnliches Problem wia du und kann di sehr guat verstoh. Mit miar kama immer über alles reda und es blibt denn au unter üs :). Vllt hesch jo mol luscht miar z schriba, würdi mi sehr freua, LG.