Kompliziert....
Also
Ich han mich vor längerem eig, scho mitnem typ gtroffe kha. Und er hät am afang gseit er würd mich gern ha und so. Abr plötzlich hät er en anderi au gern kha. Und das hät mich mega verletzt und die gfühl woni für ihn kha han sind jtzt weg.
Mer rede widdr mitenand undso, er seit au das er es bereut hät mich zverletzte und so. Er seit au die ganzi zut das er angst hät en bz zha und wet nume fründschaft + ha (was esch ned wet, well den fühli mich eif wie es objekt). Und er wet sich immr mit mir treffe, und ich ha sgfühl er wet eif nume sex....
ich han momentan ka wie ich gegeüber ihn denke muss odr fühle. Ich han momentan eifach KA.
Ich han das eif müsse ussesäge..
thx❤️
Antworten
Antwort
Hesch em Mol klipp und klar gseit, dass für dich e Fründschaft + nid in Frog chunnt und du käi Sex mit em wöttsch? Ich find das sowieso e bescheuerti Idee mit dere Fründschaft +, Sex ghört für mich in e festi Beziehig, aber das isch es anders Thema. Ich dänk du söttsch ihm das eifach ganz dütlich säge. Und dass, wenn är das nid cha akzeptiere oders für ihn so nid stimmt, du lieber käi Kontakt meh zu ihm wöttsch. Uf käi Fall söttsch dich zu öpis drnge loh, wo du eigentlich nid wöttsch. Ebe zum Bispiel Sex mit ihm ohni Beziehig. Drmit würdsch weder ihm noch dir sälber en Gfalle mache. Blib dir tröi! Uf jede Fall dänki, dass du mit ihm drüber rede söttsch.
Kommentare
Kommentar
Hey merci für d‘antwort.
ich ha ihm scho gseit ech wet kei fründschaft + und au kei sex ohni beziehug. Doch er seit mir immr und immr wieder das er mich liebe würd und weiss ich nid was.
Er seit au immr das er de kontakt nid abbreche wet zwische üs
Kommentar
Hoi Raphaella
Versuech mol usezfinde, was är unter "Liebi" verstoht. Heisst das für ihn, dass är dich als Mensch mag oder dass är dich als Frau attraktiv findet? Ich find das macht en grosse Unterschied.
Wenn är dich würklich gärn het, denn achtet är dini Gränze und das söttisch du denn au merke a sim Verhalte. Du chöntisch dich in siner Nöchi wohlfühle ohni dich zu öpis drängt zfühle wo du nid wettsch. Los eifach uf dis Buchgfühl.
Velicht het är sehr negativi Erfahrige gmacht mit Beziehige, eventuell chasch das jo au usefinde. Das hilft dir bestimmt ihn zverstoh. Allerdings redet villi Männer nid eso gärn über ihri Problem, chönnti schwierig wärde.
Wenn är dich eifach attraktiv findet und nur deshalb mit dir wött zäme sii, isch är es Arsch und du hesch öpis bessers verdient. Denn brichsch am gschidste dr Kontakt ab, egal was är drzue seit. Das git sus nur Ärger. Es git halt so Type wo noni checkt händ, dass sie nid jedi eifach so chönned ha...