Liebe
Hallo,
I ha grossi problem demit e Frau zfinge wo zu mir passt. I bi ide letste 2 Jahr vo agloge bis betroge alles worde i fings eifach schad da i probiere alles zgäh und are Frau zeige dasi si wot und ire de Himel ufe ärde hole.
Mi verletzts und i merke eifach mit jedem mal wirdi chälter obwohl i das nid wet.
I ha oft vo Kollege/inne ghört wart ap es chunnt di richtigi usw. i glaube au dra das irgendwenn die richtigi chunnt aber i weiss nid öb ig denn no dr richtig bi.
Antworten
Antwort
Salü Elsilencio
I kenn dini Situation und ich glaub es git enart no viel Männer so i üsem Alter wo das hend. Vo dem her muesch dir schomol kei Sorge mache.
Oft gits Lüüt wo seged: Di Richtig chunnt schono. Und das stimmt au. Mach dir deshalb kei Druck nume wils afoch zimli vil 16 jöhrigi "Fuck-Boys" git wo scho weiss ich wie erfahre sind. So wieni das verstande han wetsch du jo öppis Rechts.
Aber d Frog isch wie s dezue chunnt.
Also i glaubs du versuechsch halt, wie vili anderi (und au ich) wo das problem mit fraue hend, nere frau de himmel z mache. So hart es halt tönt, aber du chasch ned vonere frau erwarte, dass si mit dir was afangt, nur will du immer artig bisch. Es heisst ned, dass du au zumene "Fuck-Boy" söllsch werde. Nai natürli ned. Aber du chasch halt würkli ned erwarte, nur willd nett und höflich bisch, dass das dich interessant macht und dass fraue in schare chömed.
I mein es funktioniert jo ned wie treuepünkt sammle i de migros... nur will 1000 mol nett gsi bisch heisst das ned, dass dodemit öppis zrugg bechunsch.
Versuech dich als interesant z geh. Offebar ned grad dini ganz persönlichkeit. Loh d frau froge stelle. Wenn si kei froge stellt isches sowieso nix. Drüll de spiess au mol um und loh mol e frau dir hinedri renne. Fraue hends uuh gern wenn netti type wie du ene de hof mached. Aber dodebi landisch meistens halt i de friendzone.
FAZIT: Loh di vo niemertem i dere sach stresse und zeig di bi nere fraue mol vo dinere härtere siite, mach di interesannt und loh si mol warte BLIIB DEBI ABER DICH SELBER.
Fals no meh froge hesch, chasch per PN no schribe.
Lg
Crème frâiche
Antwort
Hoi Elsilencio
De crème fraîche hed das sehr guet gseid. Das hed mer au grad no es paar hilfriichi tipps gä :D
Han s gliiche Problem au gha sprich immerno. ond han au no gmerkt das es mol guet esch vlt chli anderi sache uszprobiere (aber ebe dodebi emmer dech selber bliibe). Aso bezoge uf verschedeni Themene. Mol es neus hobby mache oder es alts wedder usprobiere. Met kollege abmache. Mol ane Event go wot söscht seisch wördi ned zwingend go. de triffsch plötzli öpper obwohlt ned demit rächnsich.
Hoffe das hilft der au no öppis
Gruess
SD619
Antwort
ha denkt ich antworte da jetzt au mal. Also ich wür em Tipp vom „crème fraîche“ widerspreche, dass mal sötsch e Frau dir hine dri lah renne. Als cha jetzt natürli nüt für jede spreche, aber wenn ich s Gfühl ha en Typ laht mich di ganz Zit Frage stelle etc. heisst das für mich denn eifach das er nöd würkli Intresse het. Und das führt denn dezue dasi nüme schrieb und nöd dasi de ander intressanter finde.
Ich glaub du sötsch eifach so blibe wied bisch und uf die Frau warte wo das schätzt wo du gisch.
S einzig woni vlt wür probiere isch dich nöd vo Afang komplett z öffne und dich da demit agrifbar z mache. Das heisst nöd das nöd sötsch dis Intresse zeige aber vlt in Masse und wenn merksch es berueht uf Gegesitigkeit denn chasch dich immer chli meh öffne.
Ganz liebi Grüessli,
Sheila😊
Kommentare
Kommentar
Ich chume gar nie dezue, anere Frau Frage z'stelle, well keini würklich mit mir rede will. Ich meins meh im Bezug uf so Online Sache. Det wird ich eh nume abglehnt, oder es ergit sich nie es Treffe in echt. Und eifach so chan ich sehr schlecht bis gar nöd Fraue ahspreche. Ich überleg au immer, wie muessi sie, damit mal öppis klappe wür. Aber han eigentlich nöd so Lust, mich extra z'verstelle, das wür glaub sowieso nüt bringe. Zumindest nöd langfristig.
Kommentar
Liebe Maseca
Ich weiss jetzt au nöd wasi detue sege cha. S wird halt au nöd jedi Frau gern online agschriebe die einte denked denn halt das de typ d nur uf öpis unernsts usewott. Aber ka probiers eifach witer irgendwenn chunt eini wo das wod schriebsch super findet.
Und s wichtigste wie du scho gseit hesch blib eifach du selber s andere macht e kei Sinn über längeri Zit hinweg.
Kommentare
Kommentar
Ich stimme am creme fraiche au grössteteils zue, aber ich weiss nöd, öb wüklich so vill Fraue wend, dass ihne de Hof gmacht wird. Mir het eini au mal gseit, ich bin mega nett. Aber zu nett, eigentlich möcht sie so öppert wie mich als Fründ ha... aber das wird mit de Ziit ihre z'langwilig oder so irgendwie, drum laht sie sich lieber uf "Machos" ih...
Kommentar
Guys schlussentli wia i glauba dasses isch muama halt ab und zua dur scheisse goh bismer würkli au bereit isch für dia richtig und es tuatmer leid wenni das etzt sega aber fraua wo so kömmen vuwega si lönd sich nu uf machos i und so sind erschtens au ni würkli bereit füra richtigi bezüchig und hend drzua wohrschinli au es recht klises selbstbewusst si was halt au devo kunt dasses recht viel fuckboys giht wo fraua nu als objekt gsehn. de punkt vum ganza isch geduld zahlt sich us und desto länger du warta muasch desto besser ganz zgschenk si wod am schluss kriagsch. schliasslich isch sleba ja au do zum lerna und geduld isch öpis wo glaub jede lerna muass. vorallem wemer a richtigi bezüchig füahra will bruchtma geduld und au kraft woma dur dia schlechta zita kriagt.