Hoi Zäme

Jo wo fangi ah. I bi eigentli eh sehr abetürluschtigi Person, wos liebt zreise und Sache erlebe wo mengisch echlige Muet bruchet.

Ich liebes neui Sache usprobiere und ah mini Grenze zcho.

Vor Corona bini uh gern nach Afrika go reise und ha dete vor allem Volunteering mit Tier gmacht. Wer vilicht de Dean Schneider kennt, det bini au gsi und han mit apackt. Also Abentürferie im Nüt isch mis Ding! :D

Wills reise vermuetli das Johr wieder knapp wird, hani i de Schwiz nach neue Herusforderige gsuecht. Nur hani i de Schwiz me Hemmige so Sache ellei zmache (wieso au immer) und ha denkt vilicht hets do eh Person ume wos eim ähnlich gaht.

Damit mer sich so chli was drunder vorstelle chennti, wasi füre Person bi; I möchti zum Bispiel mal eh Gleschterwanderig mache, Bungee jumping, go klettere, en Taucherkurs absolviere, sogar en Survival Kurs wür mi mega interessiere. Im allgemeine schüch ich vorem wenigschte zrug. Natürli bini au für weniger krassi Sache zha wie eifach ganz neue Fähigkeite usprobiere, wie Bogeschüsse, speziell choche, tanze, theater, ect.

Sehr naturliebend bini ebefalls und gange liebend gern mit mim Rössli go rite und mini Reiseziel beinhaltet (meischtens) viel Natur.

I wör mi mega über e Antwort freue und wer weiss, vilicht gaht sobald swieder wieder mögli isch Poscht ab :D