nach einige Dates gmerkt as es doch nid passt
Hallihallo!
Ich ha nach zwei Möned Dating (inkl. Küsse & Intimität) gmerkt, dass es irgendwie für mi nid passt. Inzwüsche löst scho nur dr Gedanke an ihn bi mir eh Panikattacke us.
Ich ha eifach so vill Angst wie ich mit ihm söll drüber rede, welli vermuet, dass er no gar nüd drvo ahnt. Zudem isch er none Kolleg vonere guete Kollegin & ich ha s'Gfühl, dassi sy wird verliere wenni mit offene Charte spil..
Mittlerwiile het er scho mini Eltere kenneglernt gha.
Nebst dem dassi mi wahnsinnig schuldig fühl, nimmi irgendwas in mir wohr wo seit dassi billig bi, willi scho meh mot ihm gha ha, wie mer eigentlich ir Kennelernphase hett..
Süscht luegi immer as es für anderi passt, lieber wird ich verletzt wie weni öpper mues verletze.
danke eze scho im Vorrus für euchi Antworte & Tipps!
Antworten
Antwort
Offe kommuniziere, au wenn d Situation schwierig isch aber was isch dir lieber; 30min unangenehme Stimmung, wenn ihn damit konfrontiersch oder dass du mehrere Woche/Monate unglücklich bisch?
Es isch doch ganz normal, dass ned immer alles passt. Süst wär ja jede mit jedem zäme.
Alles Gueti!
Antwort
hoi jasmin
ich verstan dich guet und han teilwiis au müeh mit so situatione, will sie "unagnehm" sind und ich niemert möcht verletze. mis mami hett dezue immer gseit (und ich finde sie hett voll recht): "lieber eimal rot, als hundertmal orange"
drum, vill glück und stärchi zum für di istah :)
Kommentare
Kommentar
ville liebe Dank, Lino!