< Zurück zur Übersicht
(Seite 1 von 1)

Neue Fründschafte wo hebe söllet

Rebecca
Geburtsjahr
2000
Geschlecht
weiblich
Tätigkeit
-

Hallo Zeme

Ich weiss ned wer vo eu das kennt aber sobald mehr us de Schuel isch, isch es mega schwierig neui Fründe kenne zlerne. Ich bi eus de Sek cho ohni Fründ*inne willi mich ah eh Person ghalte ha wo mich usgnützt het. Fründe vode Lehr hani scho aber ich has sGfühl das ich mich nume melde zum öpis mache und wemmer öpis machet de nur selte will ich halt chli wiiter weg vo ihne wohne, obwohl das minere Meinig nah eich kei Usred set sii und ich mich halt irgendwie scho frage wie wichtig ich dene Lüüt bi. Ich bi eigentlich öpert wo oft Diheime isch aber ich cha ned mini ganze 20er umehocke und jetzt wo ich öpis ha welle mache isch Corona cho.. Imne Verein bini scho mal gsi paar Jahr und dette hend sich halt eifach alli usenand glebt. Ich suech eifach Lüüt oder Öpert wo zu mier stönd, wo sich ned nur öpert meldet zum öpis unterneh sondern das uf Gegesitigkeit berueht. Loyali Fründe halt wo durch Dick und Dünn gönd und für das muess mehr minere Meinig nah ned umbedingt Huustür zu Huustür wohne. Wo ein Wille ist, da ist auch ein Weg. Und sobalds wieder gaht wot ich au eifach gern viel unterneh is Reschti öpis go ässe, bi schönem Wetter eifach use go laufe, am Abig und öpis go trinke, is Kino, is Museum, irgende usstellig oder Spieliabige mache oder au eifach mal Diheime sii öpis bache etc. und jetzt weg Corona halt au gern Zoomabige oder au zeme es neus Hobby afah. Ich fühl mich im Stich glah und sueche eifach Fründschafte wo söllet hebe und mehr ebe denn zeme durch Dick und Dünn gaht. Ich selber wür mich als en sehr offene und loyale Mensch bezeichne, ich bi gern für anderi da, wot aber in Zuekunft au, dass es umgekehrt au so isch und mehr viel zeme unternimmt. Ich liese gern, lueg aber au viel Netflix, gah viel go Laufe (also Spaziere ned Jogge 😄 wär aber au bereit mit öperem zeme go Sport mache - die oder dejenig muess aber Verständnis ha dasi momentan eh Usduur vonere Herdöpfel ha..😅), beschäftige mich selber sehr viel mit Nachhaltigkeit und die hüütig Politik. Ich freu mich uf Nachrichte und neui Bekanntschafte😊

Antworten

Antworten sortieren

Antwort

Rebecca
Geburtsjahr
2000
Geschlecht
weiblich
Tätigkeit
-

Sorry für mies Dütsch🙈 Isch scho chli spaat und hettis evtl. nomal sölle dureläse ups..

Antwort

Celii
Geburtsjahr
1994
Geschlecht
weiblich
Tätigkeit
Lehrerin

Hoii liebi Rebecca

Han dir grad ä Afrag gschickt und wür mich uh fescht froiie, wenn du dich bi mir meldä würsch😊

Liebi Grüess Celina

Antwort

Malena
Geburtsjahr
1996
Geschlecht
weiblich
Tätigkeit
Studentin

Hey Rebecca 🌼

Mir chunt sehr vieles vu dem wo du verzellsch bekannt vor... Ich ha dir au e Afrog gschickt und freu mich vu dir z lese 🌞

Ganz liebi Grüess, Malena

Antwort

Bariii
Geburtsjahr
1998
Geschlecht
weiblich
Tätigkeit
b.s.amacker@gmail.com

Hoi Rebecca

I cha mi grad mit vilnä sachä wo du über di schribsch identifizierä. I bi o gärn und viel daheimä (o scho vor corona), ga gärn go spazierä oder wanderä aber uf gar ke fall go joggä😅.

Nach der Schuel hani d FMS gmacht u mini gruppä vo denn het sich o mega usänang gläbt. Was lisisch momentan so?

Kommentare

Kommentar
Rebecca |
Geburtsjahr
2000
Geschlecht
weiblich
Tätigkeit
-

Heii Barii ha dier scho chli länger här eh fründschaftsahfrag gschickt, wür mi mega freue wemmer is gspröch würed cho :)

Antwort

fabiceli
Geburtsjahr
2001
Geschlecht
weiblich
Tätigkeit
Praktikantin Tourismusbüro

Heii Rebecca, i wür mega gern mit dir schriebe😊 woni de text glese han, hani denkt mir gohts genau so und mir hend ähnlichi Interesse☺️ Lg, Fabienne

Antwort

Cyrill
Geburtsjahr
1995
Geschlecht
männlich
Tätigkeit
-

sali Rebecca Mues au sage, einiges vo dem wo du gschribe hesch chunt mir uhh bekannt vor. Würd gern mit dir schribe da ich ähnlichi Interesse han.😊 Ich schick dir mol e afrog.

Antwort

V
Geburtsjahr
1993
Geschlecht
weiblich
Tätigkeit
arbeiten

Hallo i wür mi sehr freue di kenne zlerne...lg

Antwort

Franco
Geburtsjahr
2002
Geschlecht
männlich
Tätigkeit
Elektroinstallateur

hey rebecca

ibi de franco

ich verstah dich total, isch be mir genau so sit corona louft nix mehr findi chli schaad, hättisch mol lust ufes treffe mit mir oder es gspräch mit mir?

Würd mi mega freue über dini antwort, chume übrigens usem kt bern

Antwort

Moon345
Geburtsjahr
1996
Geschlecht
weiblich
Tätigkeit
-

Hey hesch luscht zum schriebe und kennelerne?