neue mensch?
hallo zeme.. bin zum erste mal da und hoffe dasi mal richtigi antworte bechum und nöd immer die negative vo kolegine...
und zwar hani sit februar mit einem en sehr guete kontakt gha, sind zeme use go esse alles mögliche.. nur isch er en mega iversüchtige gsi, het mich nur für sich welle , hend eus meh gstritte als guet verstande.. bis ich gmert han so gahts nöd witer und han kontakt abbroche.
jetzt het er sich wieder gmeldet und ich bin wieder mit ihm use, es isch wunderschön gsi, er isch offener gsi und mega anderst meh gseht au sini iversucht nöd also bin würklich begeistert.. sproblem isch han eifach angst wieder öppis ufbaue mit ihm und das er sich wieder vo de andere site zeigt wie er gsi isch... was chönt ihr mir für tipps geh ?? ich danke eu scho mal 😶
Antworten
Antwort
Hallo
Seges mol so...Mönsche chönd sech ändere. Esch halt chli d frog wie langi ziit das das zwösche euchem Kontaktabbruch gsii esch ond was det alles gange esch.
Ech wörd mol säge. Versuech doch en langsame neustart. Probier mol usezgfinde öb är uf duur us so bliibt winer ezt esch oder öber wedder azeiche vo sim alte schema zeigt. wennt denn chli sicherer besch chaschne jo mol druf aspräche was be em gange esch daser sech so zom positive gänderet hed.
vell erfolg on gruess
Antwort
Hallo du
Jede mänsch chan sich verändere.....
Ich würds versueche das isch schön wenns klappet. Wünsche üch viel glück
Antwort
En fassade chan mer liecht ufbaue aber die ufrechtphalte isch ned eifach. Ich bin de meinig jede verdient no en chance, darum würi luege wies chunnt und ufs buchgfühl vo dir vertraue.
lg Onimusha
Antwort
hey
Ich chan der nur us eigener Erfahrig devo abrate.. Min Ex isch au so gsi er het mich nur für sich welle.. am ahfang hanis no herzig gfunde aber mit de zit hets ahgfange demit, ich deff nüm use mit kollegine, ich derf gar kei kollegine ha, ich derf nur mit ihm öppis mache, ich derf nöd an fuessball match uws.. und weni mich halt gwehrt han heter mir ahgfange drohe und mich nötige.. und am schluss isches so usecho dasi ihn ha müsse ahzeige..
ich weiss, nöd jede Mensch isch glich aber bis eifach vorsichtig.. :)
Kommentare
Kommentar
mensche chönd sich grundsätzlich ned endere aber si chönd ihri istellig und ihri asicht endere drum isch im noml e chamce ge sicher ned s falsche. ich wür eifach au "selbstbewust" i das ine ga und du setsch wüsse was du willsch will wen du im das seisch und im das au klar machsch unds ned funtioniert würi mal meine heterd ned begriffe. wenm ez aber seisch was du möchtisch und dases nur so für dich lauft und ihr gegesitig kompromiss igönd chunt das sicher(: