Hallo zemme

Ig bi im Moment chli inere komische situation. Ig ha sit knapp eim johr e fründin und s lauft au zimmli guet. Sie het ämu na viu kollege und au kolleginne, mit dene macht sie na viel. sie schribt au no mit ihrem ex, wo mit ihre id klass geit. das macht mi ämu chli ifersüchtig. hin und wieder fühli mich au chli vernachlässigt und chli elei glah. aber es freut mi dass sie es schöns läbe derf füehre.

versteid mi ned fausch, ig ha au kollege, mit dene machi aube au öppis, aber mini fründschafte sind haut nid glich tüüf wie ihri und eher oberflächlich. und da bini amigs wie chli einsam.

ig hamer jetzt überleit, was ig degege chönnt mache, dass ig mich nüme so komisch fühl. ig ha s gfüu, ig han zwenig kontakt zu anderne fraue. i de lehr hemmer keis einzigs meitschi und im fründeschreis suscht au nid wükli, ussert haut mini fründin.

zwei gründ gits für min gedanke:

1. fraue sind cool, sie gebed eim neui perspektive und sind ned immer so testosteronglade, füu mi bi ihne aube fasch wohler es würd aue mis selbstwertgfüu chli steigere, was gege d ifersucht söu haufe... d fründin wür mi evtl. chli meh schätze... mir hei au scho über ifersucht gredet und sie chans ned nahvollzieh, dass ig ifersüchtig bi. sie behauptet, sie wär 0 ifersüchtig, ig behaupte, sie chan das säge, wiu sie weiss, dass ig kei kontakt zu anderne fraue han.

Dr verstöid mis problem, ig bin inere beziehig, da gäbts ja kei grund zum neui fraue kennelerne, aber ig ha s gfühl s wür mir no guet tue.

Jetzt mini frag: wo chamer neui meitschi und kollege kennelerne, ohni grad tinder oder so müse z bruche?