Heeii

Ja da Gfühl kenni zu guet.. I ha leider kein Schimmer... Me müesst e App erfinde zum Kolleginne finde.. Hend da glaub nötiger als Dating Apps.. 😛

Hoi:)

Ich persönlich han mega viel Lüt uf so chline Festivals oder Konzert kenneglernt. So chli die Veranstaltige, wo eher chli usserhalb irgendwo uf em Land stattfindet. Grad im Summer giets i de Schwiz viel so Sache und dött chan mer immer sehr locker mit anderne Mensche in Kontakt cho.

Und susch isch es minere Meinig nah am eifachste Mensche über es Hobby oder anderi Kollege kennelerne.

Es isch teilwis wörkli nümme so eifach wie frühner ide Schuel. Ich wörd au sege über Hobbys, Job und Usbildig (Uni etc. ) lernsch immer lüt kenne wills dene am afang zumindenst meistens glich gaht. Ich ha zu einzelne us de Schuelzit schono Kontakt aber ebe mer wechslet denn halt irgendwenn Ortschaft oder de Arbetsplatz und denne gitts immer wieder es neus Umfeld, findi aber irgendwie au schön. :)

sproblem isch das mer ä fründschaft leider nüme zschetze weiss und die eigete interesse immer im vordergrund stönd und mer so nöd ufenand rücksicht nimmt.. mer het amigs sgfühl dass mer alles ne person gäh chan aber leider bechunsch es selte zrugg über.. falls du no die eint oder ander gueti kollegin häsch phalt sie und lueged ufenand :D so eifach chame kei fründschafte schlüsse

Mir gohts zimlivh ähnlich wie dir und s foht mi ah belaste. Ich biet dir ah dass mer zämme schriibe zum u s kennelerne und denn sehn mer jo ob mer uns möge oder nid. Aber denn hänn mer wenigstens probiert öppis z ändere :)

Hooi carmina

Bin de Mudi 19 und ich teile vollkomme dis gfühl und din wunsch bimir ischs leider glich momentan obwohl bimir ishes eher das usnütze vo frünschaft gsi und deswege suechi au mal neui bekanntschafte. Wend imerno interessiert bisch würd mich freue wend dich melde würdisch.

Hoi Carmina

Es gehd tatsächlech es App för das! Es nennt sich "Spontacts". Rächt cool, ech ha das au gnutzt gha es zitli woni frösch umzoge be. Und sösch wasech emmer cha empfähle: Gang ine Verein wo der spass macht und chegg ab, was för lüt det metmached. Oder engagier dech ame Ort för öppis sinnvolls det chonnsch au zu neue Kontäkt und mer macht oft no öppis guets ;)!

Und sösch. Ech glaube normali lüt zum kennelehre gehds ned, well mer Mönsche doch alli chli en Flick ab / Wand dosse hend ^^'... Aber do heds jo anschienend au velli tolli lüt! :)

Das App wär würkli, han au scho denkt wenn me imne andere Land oder so isch chönt me so au mol lüt kenne lerne und nöd immer nu gad lüt wo beziehig oder sus was wönd. Aber ich würd mich als relativ unkompliziert bezeichne, dörfsch dich au gern mol bi mir melde :)

Du han genau sgliche Problem wie du, bin au 21 😅