Ich ha ihde letshe 2 Mönet viel Stress mit minere besti Kollegin.

Leider ish 2018 nöd so mis Jahr wie ich es mir erhofft han. ich ha ihde letshe zit viel Sorge und Probleme und es ish für mich eifach mega nervig dass sie ih so Momente nöd zu mir staht. mir kennet eus sit 12 Jahr und sit sie ihre neue Fründ het, vo dem ich nüt guets halte, bin ich nurno die 2. wahl worde. am Ahfang han ich mich sogar für sie gfreut aber mitlerwile find ichs eif nur shlecht, will sie hinter sim Rugge nöd treu blibt, aber sie verrate will ich au nöd.

sie tuet mich ständig versetze, laht mich bis 2h am treffpunkt warte und lost mir nöd zue wenn ich mit ihre über ernstes züg rede. Ich han sie mehrmals druff hi gwise aber bi ihre ish genau sgliche als würsh mit e wand rede.

Sie het ahfange klaue weg ihm, unkontrolliert trinke, vernachlässigt nöd nur mich, sonder au anderi kollegine und und und... aber sobald ich sie druff ahsprich findet sie ich würds ihre nöd gönne will sie en fründ het und ich nöd.

Ich will sie ehrlich gsejt nöd verlüre aber ich han ab und zue sgfühl das sie mir nümm guet tuet und ich ihre nümm vetraue chan.