Hallo zäme. Min Schwarm und ich (beidi 17i) kenned üs scho länger us em Fründeskreis. Ich ha mit de Ziit gmerkt, dass ich Gfühl för si han und das vo erere Siite au Intressi ume isch. Sie hed mich den einisch au nacheme Treffe gfragt mit mir elei aber det hannich mer nonig zvell gedanke gmacht. Nacher hemmer üs au no zweimal zäme troffe be ere dehei. Det hemmer zeme gredet und es isch au zu Körperkontakt cho aber au ned meh. Nacher hämmer eif zäme gschribe und wenn ich si nacheme Treffe gfragt han hed si immer en Usred gha sich mit mier ztreffe. Nach 3 Woche hannich den mal mit ere telefoniert und sie gfragt eb sie Intressi a mier hed oder si mich nor als Kolleg gsed, well sie nie meh öppis mit mier allei hed welle mache. Sie hed mir nacher verzellt, dass sie extrem nervös wird wenn mier öppis zäme mached unds ere sogar schlecht wird, dass sie aber sicher Intresse a mier hed und sie eif Ziit brucht. Sie hed au schoscht so Ängst und sie nimmt jetzt au professionelli Hilf in Aspruch. Jetzt sind weder 3 Woche verstriche verstriche und sie mag sich immer nonig mit mir Treffe. Mir hend eif Kontakt über chat und telefon. Wie sett ich die Sitution handle und mich gegenüber ere verhalte? Well es chömmed be mier immer meh Zwifel uf, dass es nie öppis wird well eres Problem sich ned vo höt uf morn verbesseret und ohni es reels treffe wird das nüd. Ich wett sie aber au ned ufes Treffe drücke, well das chämt sicher au ned guet.

Danke för üchi Antworte(: