Hoii, s Lebe z neh isch nie eh guetii Lösig. Jede Mensch uf dere Welt isch wertvoll, au du! Weisch den wieso du s Gfühl hesch, du hegsch im Lebe alles verpasst? Du bisch ja eigentlich erst 24gii, du hesch doch no sooo viel schönii Sache vor dir...

Viellicht hilfts ja, mal Sache z mache, wod no nie gmacht hesch, zum Bispiel mal go Wandere, älleii en Wuchenendtrip ih eh unbekanntii Stadt unterneh odr au Sache wie Gleitschirmflüge odr so. Mir hets biispielswiis uh mega ghulfe, mit Tier unterwegs z sii. D Tier merked ganz genau wies eim gaht und reagiered teils besser als Mensche druf.

Leider chan ich dir kein allgemeine Schlüssel zu dim Problem geh, de gits wohl leider au ned. Wend wotsch chasch mir abr schriebe, viellicht bringts ja öppis chli diskreter z Rede. :)

Bitte lueg eifach uf dich und nimm dir ned s Lebe, es git immer no en andere Weg... :)

Wie wärs den, wenn du mal zu rem Psycholog odr Psychiater würsch gah? Die sind ja spezialisiert druf und chönd dir sicher irgendwie helfe...

Hoi

Ich empfill dir au mal zumne Psycholog zgah. En Psycholog muss ja nöd heisse, dass es sich immer debie um en Schwergstörte handlet. Bimne Psycholog musch du au nöd irgendwelchi komischi Test mache zu däne du zwunge wirsch. En Psycholog isch meist en sehr belesene und intressante Mänsch. Ich bin sehr lang zumne Psycholog, da ich annere schwerere Depression erchrankt bin. Mit mim Psycholog hani e sehr fründschaftlichi Bezihig ufbaut. Mer händs immer lustig gha, mehr hännd vill zämme über philosophischi Frage diskutiert und natürlich au mich als Mänsch analysiert, zum usefinde, was genau dä Uslöser für dChrankheit chönnti sie. Debie hani glernt mich selbst zanalysiere und weiss in zwüsche Ziet wieni chan möglichi Gfahre erkenne. Das het mich zumne enorm riefe und starche Mänsch gmacht. Ich bin zwar immerno innerlich down, so das ich mängisch fast es Chotzgfühl überchum, aber mer gahts scho vill besser, und ich glaube dra, nei ich weiss, dass ich in Zuekunft nä unglaublichi Ziet no därf erläbe. Und wonni wieter dänkt han, hani festgstellt: Wenni mich umbringe, möchti vo dämm Läbe flüchte. Läbe bedütet für mich das Sein und nicht Sein. Emotione ha öb positiv oder negativ. Beides liet für mich sehr näch binenander. Deshalb hani mal dä Satz gschriebe: Ich bin soo glücklich, könnte ich doch fast schon traurig sein!

So isch eigentlich das woni wett erlange nöd dä Tot, was immerno en Teil vom Läbe isch, sondern das, was sich zwüsche dä Existenz und Inexistenz befindet. Erlöst sie vo all dem Schmerz. Und das isch öpis das chan mer nur erlange, wenn mer mit sich selbst is Reine chunnt. Wenn mer sich umbringt, hät mer zwar dä physischi Körper eliminiert, jedoch dSeel welchi dä Schmerz treit, wandert wieter.

Unabhängig vo externem Wüsse, hani nacher festgstellt, dass das im Buddhismus Nirwana heisst, und dass mer das erlangt i dämm mer selbst zum Buddha wird. Isch doch spannend, dass i dä Religione nachem gliiche gstrebt wird, wie das woni nach langem Nachdänke selbst usegfunde han, ohni vom Buddhismus öpis zwüsse.

Ich hoffe mini Begründig, wieso ich mich nöd umbringe, hät dich inspiriert, dass nöd ztue!

Gruess

Ichbinich

Hey,

Ich weiss, jede wird dir sage, gang zume psycholog, oder was au immer. Ich ha selber immer wieder die gliche problem, vo de selbstmord gedanke, versich, bis zu de gandnke bzw innere monolög, dassi scheisse bin und numme e surstoff verschwändig ez bin.

(Ich bi selber lang zu psychologe psychiater ez gange, was mir leider nid wirklich was brocht het.)

Was mir in dene situatione hilft:

Ich probier anhand vo de trurigste film z hüle, bzw du ich mich in die trurige s szene so ihne versetze, dassi hüle cha, klappt zwar nid immer, aber wenns klappt, fühl ich mich besser.

Min tipp isch eifach, probier gfühl durch film oder so sache "wieder z erlange" es miend zb nid wie bi mir träne sie wo dir helfe könne. Ich hoff du findsch dis ding und hoff mol, dass es dir hilft.

Kasch mir au gern schriebe oder so wenn das do goht :)