< Zurück zur Übersicht
(Seite 1 von 1)

Sich gegesiitig helfe und unterstütze

David63
Geburtsjahr
2001
Geschlecht
männlich
Tätigkeit
Lernender

Hallo zämme :)

Ich bin scho länger uf de Suechi nach Mensche mit dene d‘Möglichkeit bestaht sich usztusche und sich gegesiitig alles vo de Seele z‘rede, was einem so bedrückt/verängstigt/schlafloosi Nächt git.

Sit minere Depressionserchrankig vor knapp 10 Jahr, han ich leider nie das Gfühl gspürt wo mer wahrschinlich het wenn mer mit eme andere Mensch gedanklich und gfühlsmässig ganz nöch staht.

Ide letzte Ziit sinkt mini psychisch Verfassig leider uf en Tüüfpunkt, wie ich ihn no nie erlebt han.

Da ich das leere und verzwiifelte Gfühl kenne, möcht ich au anderne Lüüt e Möglichkeit biete und mit offenem Ohr und Schultere zum ahlehne da si. Mängisch helfed wenigi Wort oder nur eh ganz chlini Geste um öpert anderem en riese Gfalle z‘mache.

Evtl. het öpert vo eu Lust uf en Ustusch, ob de nur schriftlich oder au persönlich erfolgt wär bi mir im Moment zweitrangig.

Nur falls es öpert unbedingt wüsse wot ;)

Ich bin 19ni und Stadtzürcher.

Würd mich freue wennd dich meldisch, ich bisse nöd ussert ich wird bedroht ;).

Antworten

Antworten sortieren

Antwort

Dominikkk
Geburtsjahr
1999
Geschlecht
männlich
Tätigkeit
Student

Hey David

Ich heisse Dominik und bin 21 Jahr alt. Ich han i de letschte Jahr au mit minere mentale Gsundheit z kämpfe gha. Wenn ich mit mine Fründe und Bekannte über mini schlechte Ziite red hani oft s Gfühl dass sie mir zwar zuelosed aber mich nöd wüki verstöhnd will sie nöd wüssed wie sich das ahfühlt. Drum wär ich amene Ustusch sehr interessiert. Ich bin recht oft sehr einsam und chönnt e neui bekanntschaft bruuche.

Gruess Dominik

Kommentare

Kommentar
David63 |
Geburtsjahr
2001
Geschlecht
männlich
Tätigkeit
Lernender

Hey Dominik, Viele Dank für dini Antwort. Mir chönd eus gern ustusche, glaubs das würd eus beidne sehr guet tue!

Lg David

Antwort

Conny
Geburtsjahr
1997
Geschlecht
weiblich
Tätigkeit
-

Sali David und Dominik

Finds guet dass ihr eu ustuusche wend:) ich selber finds wichtig, dasmer eber het wo eim eifach amel nur zuelost und mer sich ustusche chan, ohni das eber es urteil fällt.

Ich selber kämpfe au scho länger mit Depressione etc. Leider han ich immer s gfühl, das mini Kollege mich ned verstönd und ich sie aber au ned will belästige mit mine gedanke und gfühl. Ich muen jetzt denn ine Klinik und ich hoffe, dass das min Usweg sii wird us dem Tüfelschreis!

Wichtig findi, dasmer ned ufgit, egal wie tüf mer gad gsunke isch.

Ich wünsch eu ganz viel Chraft🍀

Grüessli Conny

Kommentare

Kommentar
David63 |
Geburtsjahr
2001
Geschlecht
männlich
Tätigkeit
Lernender

Liebi Conny, danke vill mal für dini Wort! Ich wünsche dir ganz vill Chraft und Erfolg uf dim zuekünftige Weg. Find dini Ihstellig super und zeigt uf, wie starch das du bisch! Alles Gueti!

David

Kommentar
Dominikkk |
Geburtsjahr
1999
Geschlecht
männlich
Tätigkeit
Student

Hei Conny

Ich wünsch dir vill Chraft und Erfolg für din Klinikufenthalt. Du packsch das. Mier Mensche sind sehr widerstandsfähigi Mensche wo zu Grossem fähig sind. Du bisch nöd ellei.

Gruess

Dominik

Antwort

deniis_e
Geburtsjahr
1998
Geschlecht
weiblich
Tätigkeit
Bekleidungsgestalterin

Salüü :)

Ich hoffe dier gahts sowiit guet im Moment..

Dini Story interessiert mich sehr.. was ish da wohl alles schief gange..?

Ich sälber han au mis Rucksäckli & versueche jede Tag positiv z starte und ned wieder ines Loch z gheie...

Maybe ghöri ja öbis vo dir :)

Lg Denise

Kommentare

Kommentar
David63 |
Geburtsjahr
2001
Geschlecht
männlich
Tätigkeit
Lernender

Hey Denise :)

Danke für dini nett Nachricht. Mir chönd eus gern chli ustusche, würd mich sehr freue!

Lg David

Antwort

Fistik
Geburtsjahr
2004
Geschlecht
weiblich
Tätigkeit
Kanti Schüelerin

Heyy

Ich han au ide letschte Jahr vill mit minere mentali Gsundheit zchämpfe kah. Ich finds wichtig drüber zrede nur leider han ich niemert. Weg dem wär ich amene Ustusch interessiert.